ആല്ബനി (ന്യൂയോര്ക്ക്) : മലങ്കര ഓര്ത്തഡോക്സ് സഭയുടെ നോര്ത്ത് ഈസ്റ്റ് അമേരിക്കന് ഭദ്രാസനത്തിന്റെ 25-ാമത് വാര്ഷിക ഫാമിലി ആന്ഡ് യൂത്ത് കോണ്ഫറന്സിന്റെ രജിസ്ട്രേഷന് ആല്ബനിയിലെ സെന്റ് പോള്സ് ഓര്ത്തഡോക്സ് ദേവാലയത്തില് തുടക്കം കുറിച്ചു.
2026 ജൂലൈ 15 മുതല് 18 വരെ പെന്സില്വേനിയയിലെ ലാങ്കസ്റ്ററിലാണ് കോണ്ഫറന്സ് സംഘടിപ്പിച്ചിരിക്കുന്നത് . ‘കൃപയുടെ പാത്രങ്ങള്’ എന്നതാണ് പ്രമേയ വിഷയം.
കോണ്ഫറന്സ് പ്രചാരണത്തിന്റെ ഭാഗമായി ന്യൂയോര്ക് ആല്ബനിയിലെ സെന്റ് പോള്സ് ഓര്ത്തഡോക്സ് ദേവാലയത്തില് ഫാമിലി & യൂത്ത് കോണ്ഫറന്സ് ടീം സന്ദര്ശനം നടത്തി. കോണ്ഫറന്സ് കോര്ഡിനേറ്റര് സെന്റ് പോള്സ് ദേവാലയ വികാരി ഫാ. അലക്സ് കെ. ജോയ് ടീമിനെ സ്വാഗതം ചെയ്തുകൊണ്ട് അവരുടെ സമര്പ്പണബോധത്തെ പ്രകീര്ത്തിച്ചു സംസാരിക്കുകയും ഇടവകയിലെ വിശ്വാസികളോട് കോണ്ഫറന്സിന് പരിപൂര്ണ പിന്തുണ നല്കി വന് വിജയമാക്കുവാന് ആഹ്വാനം ചെയ്യുകയും ചെയ്തു.
ട്രഷറര് ജോണ് താമരവേലില് മുന് വര്ഷങ്ങളിലെ ശക്തമായ യുവജന പങ്കാളിത്തം എടുത്തു പറയുകയും ഈ വര്ഷം പ്രത്യേകിച്ച് യുവജനങ്ങള്ക്കായി രജിസ്ട്രേഷന് ഫീസ് കുറച്ചത് ചൂണ്ടി കാണിക്കുകയും ചെയ്തു.
അസിസ്റ്റന്റ് ട്രഷറര് റിംഗിള് ബിജു സ്പോണ്സര്ഷിപ്പും റാഫിള് ടിക്കറ്റുകളും എടുത്തു കോണ്ഫറന്സിനെ പിന്തുണക്കണമെന്നും, കോണ്ഫറന്സ് തന്റെ കുടുംബത്തെ എങ്ങനെ പോസിറ്റീവായി സ്വാധീനിച്ചു എന്നതിനെക്കുറിച്ചുള്ള വ്യക്തിപരമായ അനുഭവം പങ്കുവെക്കുകയും ചെയ്തു.
സുവനീര് കോര്ഡിനേറ്റര് റെബേക്ക പോത്തന് കോണ്ഫറസിന്റെ ഭാഗമായി ഒരുക്കിയിരിക്കുന്ന ”ജോഷ്വ” യുടെ സൈറ്റ് & സൗണ്ട് തിയേറ്റര് സന്ദര്ശനം ഉള്പ്പെടെയുള്ള പ്രോഗ്രാമുകളെ കുറിച്ചു സംസാരിക്കുകയും ട്രൈ-സ്റ്റേറ്റ് ഏരിയയില് നിന്ന് കോണ്ഫറന്സിലേക്കുള്ള യാത്ര സൗകര്യത്തിനായി ഒരു ചാര്ട്ടര് ബസ് ലഭ്യമായിരിക്കുമെന്നും അറിയിച്ചു.
ഭദ്രാസന കൗണ്സില് അംഗം സജി പോത്തന് കോര് ടീമിന്റെ സമര്പ്പണവും, പരിശ്രമങ്ങളും ഏറെ പ്രശംസനീയമാണെന്ന് പറഞ്ഞു.
കോണ്ഫറന്സ് 2022-23 വര്ഷ സെക്രട്ടറി ചെറിയാന് പെരുമാള് കോണ്ഫറന്സിന്റെ പ്രാധാന്യത്തെ പറ്റി സംസാരിക്കുകയും ഈ വര്ഷത്തെ കോണ്ഫറന്സിനായി തെരഞ്ഞെടുത്ത വേദിയേയും, ഭക്ഷണ ക്രമീകരണങ്ങളേയും കുറിച്ചു് സംസാരിച്ചു.
2025 ലെ വിന്റ്റര് സമ്മിറ്റ് കോ-ഓര്ഡിനേറ്റര് ജൂലിയ അലക്സ് വളരെ ചെറുപ്പം മുതല് കോണ്ഫറന്സില് പങ്കെടുത്തതും അത് തന്റെ വിശ്വാസ യാത്രയ്ക്കും സൗഹൃദങ്ങള്ക്കും എങ്ങനെ പ്രയോജനം ചെയ്തുവെന്നും എടുത്തു പറഞ്ഞു.
സെന്റ് പോള്സ് ദേവാലയ എം.ജി.ഓ.സി.എസ്.എം സെക്രട്ടറി ജെന്നിഫര് അലക്സ് എല്ലാ പാരിഷ് അംഗങ്ങളേയും കോണ്ഫറന്സില് രജിസ്റ്റര് ചെയ്യാന് പ്രോത്സാഹിപ്പിച്ചു സംസാരിച്ചു. കോണ്ഫറന്സ് പ്രചാരണത്തിനായി പള്ളി സന്ദര്ശനത്തിന് ടീമിന് പാരിഷ് സെക്രട്ടറി ഏലിയാമ്മ ജേക്കബ് നന്ദി അറിയിച്ചു.
മൂന്ന് ഗോള്ഡ് സ്പോണ്സര്ഷിപ്പുകള്, സുവനീറിലെ പതിനാല് പൂര്ണ്ണ പേജ് പരസ്യങ്ങള്, ഇരുപത്തിയഞ്ച് രജിസ്ട്രേഷനുകള് എന്നിവയിലൂടെ സെന്റ് പോള്സ് പള്ളി അംഗങ്ങള് കോണ്ഫറന്സിന് ശക്തമായ പിന്തുണ നല്കി.
പോള് ജോണ് ആന്ഡ് ഫാമിലി, ഡോ ഉമ്മന് നൈനാന് ആന്ഡ് ഫാമിലി, അനില് തോമസ് ആന്ഡ് ഫാമിലി എന്നിവരാണ് സെന്റ് പോള്സ് ദേവാലയത്തില് നിന്നുള്ള ഗോള്ഡ് സ്പോണ്സേഴ്സ് .
കൂടുതല് വിവരങ്ങള്ക്കായി https://fycnead.org/ സന്ദര്ശിക്കുകയോ താഴെ പറഞ്ഞിരിക്കുന്ന ഭാരവാഹികളെ ബന്ധപ്പെടുകയോ ചെയ്യുക
ഫാ. അലക്സ് കെ ജോയ് (കോണ്ഫറന്സ് കോര്ഡിനേറ്റര്): 973-489-6440
ജെയ്സണ് തോമസ് (കോണ്ഫറന്സ് സെക്രട്ടറി): 917-612-8832
ജോണ് താമരവേലില് (കോണ്ഫറന്സ് ട്രഷറര്): 917-533-3566
Report ജിനേഷ് തമ്പി
