കലിഫോർണിയ : ഇന്ത്യൻ വംശജനായ അമർ സുബ്രഹ്മണ്യത്തെ (46) ആപ്പിളിന്റെ പുതിയ വൈസ് പ്രസിഡന്റായി നിയമിച്ചു. ആർട്ടിഫിഷ്യൽ ഇന്റലിജൻസ് രംഗത്തെ വിദഗ്ദ്ധനായ അമറിന്റെ നിയമനത്തിലൂടെ എഐ രംഗത്തെ നേതൃത്വം ശക്തിപ്പെടുത്താനാണ് ആപ്പിൾ ലക്ഷ്യമിടുന്നത്.
ഡിസംബർ ഒന്നിനാണ് അമർ ആപ്പിളിൽ ചേർന്നത്. ഗൂഗിളിൽ 16 വർഷം പ്രവർത്തിച്ച അമർ സുബ്രഹ്മണ്യൻ, കമ്പനിയുടെ മുൻനിര ജനറേറ്റീവ് എഐ അസിസ്റ്റന്റായ ജെമിനിയുടെ (ഏലാശിശ) എൻജിനീയറിങ് മേധാവിയായിരുന്ന അനുഭവസമ്പത്തുമായാണ് ആപ്പിളിലേക്ക് എത്തുന്നത്. ആപ്പിളിൽ ചേരുന്നതിന് മുമ്പ് ഏതാനും മാസങ്ങൾ മൈക്രോസോഫ്റ്റിൽ കോർപ്പറേറ്റ് വൈസ് പ്രസിഡന്റായും അദ്ദേഹം സേവനമനുഷ്ഠിച്ചിട്ടുണ്ട്.
ബെംഗളൂരുവിൽ വളർന്ന സുബ്രഹ്മണ്യൻ, ബെംഗളൂരു യൂണിവേഴ്സിറ്റിയിൽ നിന്ന് ഇലക്ട്രോണിക്സ് & കമ്മ്യൂണിക്കേഷൻസിൽ ബിരുദവും യൂണിവേഴ്സിറ്റി ഓഫ് വാഷിങ്ടനിൽ നിന്ന് കംപ്യൂട്ടർ സയൻസിൽ പിഎച്ച്ഡിയും നേടിയിട്ടുണ്ട്. വരാനിരിക്കുന്ന ആപ്പിൾ ഇന്റലിജൻസ് ഫീച്ചറുകൾക്കും അടുത്ത തലമുറ ഓൺഡിവൈസ്, ക്ലൗഡ്അസിസ്റ്റഡ് എഐ ശേഷികൾക്കും രൂപം നൽകുന്നതിൽ അമർ സുബ്രഹ്മണ്യന്റെ പങ്ക് നിർണായകമായിരിക്കും.
