ഷിക്കാഗോ: ഗ്ലെൻ എലനിലെ കോളജ് ഓഫ് ഡ്യൂപേജിൽ വച്ച് ക്നാനായ നൈറ്റ് 2025 സംഘടിപ്പിച്ചു. കിഡ്സ് ക്ലബ് കോഓർഡിനേറ്റർമാർ 170ൽ പരം കുട്ടികളെ കോർത്തിണക്കിക്കൊണ്ടുള്ള പ്രോഗ്രാമുകൾക്ക് നേതൃത്വം നൽകി. കിഡ്സ് ക്ലബിന്റെ പ്രോഗ്രാമിന് ശേഷം കെ.സി.ജെ.എൽ., ഗോൾഡീസ്, സീനിയർ സിറ്റിസൺസ്, കെ.സി.വൈ.എൽ., യുവജനവേദി, വിമൻസ് ഫോറം എന്നിവരുടെ പരിപാടികൾ അരങ്ങേറി.
കെ.സി.സി.എൻ.എയുടെ 16-ാമത് കൺവൻഷൻ കിക്കോഫും പരിപാടിയോടനുബന്ധിച്ച് സംഘടിപ്പിച്ചു. രണ്ടാഴ്ചയ്ക്കുള്ളിൽ തന്നെ ഏതാണ്ട് 500-നടുത്ത് കുടുംബ റജിസ്ട്രേഷൻ നടത്തിയിട്ടുള്ളത് റെക്കോർഡ് ഏർലി റജിസ്ട്രേഷൻ ആണെന്ന് കെ.സി.സി.എൻ.എ പ്രസിഡന്റ് ജെയിംസ് ഇല്ലിക്കൽ അറിയിച്ചു.
തുടർന്ന്, കെ.സി.എസിന്റെ സെൻസസ് ഫോം ഫിൽ ചെയ്തവരുടെ നറുക്കെടുപ്പ് നടന്നു. സമ്മാനാർഹരായ ടോണിക്കും സൗമിക്കും 750 ഡോളർ ഡയമണ്ട് വൗച്ചർ സമ്മാനിച്ചു. പ്രസിഡന്റ് ജോസ് ആനമലയുടെ നേതൃത്വത്തിലുള്ള സംഘാടക സമിതിയും സബ് ഓർഗനൈസേഷൻ കോഓർഡിനേറ്റർമാരും എം.സിമാരും പരിപാടിക്ക് നേതൃത്വം നൽകി.
Leave a comment