അമ്പഴയ്ക്കാട്ട് ശങ്കരന്റെ ‘ഹൃദയപക്ഷ ചിന്തകൾ’ പ്രകാശനം ചെയ്തു

ഡാലസ് : ലിറ്റററി അസോസിയേഷൻ ഓഫ് നോർത്ത് അമേരിക്ക (ലാന)യുടെ പ്രസിഡന്റും പ്രമുഖ എഴുത്തുകാരനുമായ അമ്പഴയ്ക്കാട്ട് ശങ്കരന്റെ ഏറ്റവും പുതിയ പുസ്തകമായ ‘ഹൃദയപക്ഷ ചിന്തകൾ’ (ലേഖന സമാഹാരം) പ്രകാശനം ചെയ്തു. ഡാലസിൽ നടന്ന ലാനയുടെ പതിനാലാമത് ദ്വൈവാർഷിക സമ്മേളനത്തിന്റെ ഉദ്ഘാടന വേദിയിൽ വച്ചായിരുന്നു പ്രകാശനം. ജനനി എഡിറ്റർ ജെ. മാത്യൂസാണ് പുസ്തകം പ്രകാശനം നിർവഹിച്ചത്. ലാന മുൻ പ്രസിഡന്റ് ജോൺ മാത്യു പുസ്തകം ഏറ്റുവാങ്ങി.

രാഷ്ട്രീയ, സാമൂഹിക വിഷയങ്ങളെക്കുറിച്ചുള്ള 12 ലേഖനങ്ങളാണ് ഈ സമാഹാരത്തിൽ ഉൾക്കൊള്ളിച്ചിരിക്കുന്നത്. പ്രശസ്ത നോവലിസ്റ്റ്  ഇ. സന്തോഷ് കുമാറാണ് പുസ്തകത്തിന് അവതാരിക എഴുതിയിട്ടുള്ളത്.  ‘വഴിയമ്പലം’ (നോവൽ), ‘കൊടുക്കാക്കടം’ (കഥാസമാഹാരം) എന്നീ പുസ്തകങ്ങൾക്ക് ശേഷം അമ്പഴയ്ക്കാട്ട് ശങ്കരൻ രചിച്ച പുസ്തകമാണ് ‘ഹൃദയപക്ഷ ചിന്തകൾ’.