വാഷിംഗ്ടൺ ഡിസി: മെക്സിക്കോയിലുള്ള ഇസ്രയേലിന്റെ അംബാസഡറെ വധിക്കാനുള്ള ഇറാന്റെ നീക്കം പൊളിച്ചെന്ന് യുഎസ്. വധിക്കാനുള്ള നീക്കം പൊളിച്ചെന്നും നിലവിൽ ഭീഷണിയില്ലെന്നും യുഎസ് അധികൃതർ അറിയിച്ചു.
ഇസ്രയേൽ അംബാസഡറായ ഐനാത്ത് ക്രാൻസിനെതിരെ കഴിഞ്ഞ വർഷാവസാനമാണു വധശ്രമമുണ്ടായതെന്നും ഈ വർഷത്തിന്റെ ആദ്യപകുതിയിലും ഭീഷണിയുണ്ടായിരുന്നുവെന്നും യുഎസ്, ഇസ്രയേൽ ഉദ്യോഗസ്ഥർ പറഞ്ഞു. ഇറാൻ റവല്യൂഷനറി ഗാർഡിലെ ഓഫീസർ ഹസൻ ഇസാദിയുടെ നേതൃത്വത്തിലായിരുന്നു വധശ്രമപദ്ധതിയെന്നാണ് യുഎസ് റിപ്പോർട്ട്.
എന്നാൽ വധശ്രമമുണ്ടായതായി അറിവില്ലെന്ന് മെക്സിക്കോ സർക്കാർ പ്രതികരിച്ചു. മെക്സിക്കോയിലെ ഇറാൻ എംബസിയും ആരോപണം നിഷേധിച്ചു.
