മൂവാറ്റുപുഴ: ബിഷപ് പോത്തനാമൂഴി ഫൗണ്ടേഷന് പുരസ്കാരം പ്രമുഖ ഹൃദയ ശസ്ത്രക്രിയ വിദഗ്ധനും എറണാകുളം ലിസി ആശുപത്രിയിലെ കാര്ഡിയാക് തൊറാസിക് സര്ജറി വിഭാഗം തലവനുമായ ഡോ. ജോസ് ചാക്കോ പെരിയപ്പുറത്തിന് നാളെ സമ്മാനിക്കും.
രാവിലെ പത്തിന് മൂവാറ്റുപുഴ നിര്മല കോളജ് ഓഡിറ്റോറിയത്തില് നടക്കുന്ന ചടങ്ങില് ഇംഗ്ലീഷ് വിഭാഗം മുന് അധ്യാപകനും എടത്വ സെന്റ് അലോഷ്യസ് കോളജ് മുന് പ്രിന്സിപ്പലും ദീപിക ഡയറക്ടറുമായ റവ.ഡോ. തോമസ് പോത്തനാമൂഴി ആമുഖ പ്രഭാഷണം നടത്തും.
മാനേജര് മോണ്. ഡോ. പയസ് മലേക്കണ്ടത്തില് അധ്യക്ഷത വഹിക്കും. ഡോ. ജോസ് ചാക്കോ പെരിയപ്പുറം അനുസ്മരണ പ്രഭാഷണം നടത്തും.
പ്രിന്സിപ്പല് റവ.ഡോ. ജെസ്റ്റിന് കെ. കുര്യാക്കോസ്, ബര്സാര് ഫാ. പോള് കളത്തൂര്, കോ-ഓര്ഡിനേറ്റര് ഡോ. നിബു തോംസണ് തുടങ്ങിയവര് പ്രസംഗിക്കും.
Leave a comment