ന്യൂയോർക്ക് : ഫെഡറൽ ട്രേഡ് കമ്മീഷണർ എന്ന നിലയിൽ ബൈഡൻ ഭരണകാലത്തു ന്യൂ യോർക്കിലെ സാങ്കേതിക ഭീമന്മാരുടെ ശത്രുത ഏറ്റു വാങ്ങിയ യുവ ഡെമോക്രാറ്റ് ലീനാ ഖാനെ (36) നിയുക്ത മേയർ സോഹ്രാൻ മാംദാനി തന്റെ ട്രാൻസിഷൻ ടീമിന്റെ സഹാദ്ധ്യക്ഷയായി നിയമിച്ചു. ബ്രിട്ടനിൽ പാക്കിസ്ഥാനി വംശജരുടെ പുത്രിയായി ജനിച്ച ഖാൻ മികച്ച സാമ്പത്തിക വിദഗ്ധയായാണ് കരുതപ്പെടുന്നത്.
2021 മുതൽ 2025 വരെയാണ് കമ്മീഷണർ ആയിരിക്കെ മെറ്റാ, ആമസോൺ തുടങ്ങിയ വമ്പന്മാർക്കെതിരെ കേസെടുത്തു വിവാദം ഉയർത്തിയ ഖാൻ ബുധനാഴ്ച്ച മാംദാനിയുടെ പത്ര സമ്മേളനത്തിൽ പ്രത്യക്ഷപ്പെട്ടപ്പോഴാണ് നിയമനം പുറത്തു വന്നത്.
മാംദാനിയുടെ സാമ്പത്തിക നയങ്ങൾക്കും ഭരണ ഉദ്യോഗസ്ഥന്മാരെ നിയമിക്കുന്നതിലും ഖാൻ പങ്കു വഹിക്കുമെന്ന് അവരുടെ വക്താവ് ഡഗ് ഫെറർ പറഞ്ഞു.
മുൻ ഡെപ്യൂട്ടി മേയർ മരിയ ടോറസ്-സ്പ്രിംഗർ, നോൺ – പ്രോഫിറ്റ് എക്സിക്യൂട്ടീവ് ഗ്രെയ്സ് ബോണില, ബജറ്റ് വിദഗ്ധ മെലാനി ഹാര്ട്സോഗ് എന്നിവരും മാംദാനിയുടെ ട്രാൻസിഷൻ ടീമിലുണ്ട്.
