വാഷിങ്ടൻ ഡി.സി : നിലവിലെ ഫെഡറൽ ഷട്ട്ഡൗൺ തുടരുകയാണെങ്കിൽ, അമേരിക്കയിലെ 40 പ്രധാന എയർപോർട്ടുകളിൽ വിമാന സർവീസുകൾ 10% വരെ കുറയ്ക്കാൻ സാധ്യതയുണ്ടെന്ന് ഗതാഗത മന്ത്രാലയം സെക്രട്ടറി ഷോൺ ഡഫി മുന്നറിയിപ്പ് നൽകി. എയർ ട്രാഫിക് കൺട്രോളർമാർ വ്യാപകമായ ജോലിഭാരവും ക്ഷീണവും അനുഭവിക്കുന്നതാണ് ഈ തീരുമാനത്തിന് പ്രധാന കാരണം. ഫെഡറൽ ഏവിയേഷൻ അഡ്മിനിസ്ട്രേഷന്റെ ചീഫ് ബ്രയൻ ബെഡ്ഫോർഡ് സ്ഥിതിഗതികൾ വിലയിരുത്തി. ഈ നടപടി വെള്ളിയാഴ്ച മുതൽ പ്രാബല്യത്തിൽ വന്നേക്കാം.
ഷട്ട്ഡൗൺ തുടർന്നാൽ, വിമാന നിരക്കുകളിൽ നേരിയ കുറവുകൾ ആരംഭിച്ച് അടുത്ത ആഴ്ചയോടെ 10% കുറയാൻ സാധ്യതയുണ്ട്. ഇതോടെ പ്രതിദിനം 3,500 മുതൽ 4,000 വരെ ഫ്ലൈറ്റുകൾ റദ്ദാക്കപ്പെടാൻ സാധ്യതയുണ്ടെന്നും റിപ്പോർട്ടുകൾ സൂചിപ്പിക്കുന്നു. വിമാനയാത്ര സുരക്ഷിതമാണെന്ന് ഡഫി വ്യക്തമാക്കിയെങ്കിലും, സുരക്ഷിതമായ വിമാനസഞ്ചാരം ഉറപ്പാക്കുന്നതിനുള്ള മുൻകരുതൽ എന്ന നിലയിലാണ് ഈ തീരുമാനങ്ങൾ എന്നും അദ്ദേഹം കൂട്ടിച്ചേർത്തു.
