ന്യൂയോർക്ക് സിറ്റി ട്രാൻസിറ്റ് സപ്ലൈ ലോജിസ്റ്റിക്സ് മലയാളി എംപ്ലോയീസ് ആൻഡ് റിട്ടയറീസ് കുടുംബ സംഗമം സംഘടിപ്പിച്ചു

ന്യൂയോര്‍ക്ക്: ന്യൂയോർക്ക് സിറ്റി ട്രാൻസിറ്റിലെ സപ്ലൈ ലോജിസ്റ്റിക്സ് വിഭാഗത്തിൽ ജോലി ചെയ്യുന്നവരുടെയും വിരമിച്ചവരുടെയും കുടുംബസംഗമം ഹെംസ്റ്റെഡിലെ സെന്റ് സ്റ്റീഫൻസ് ക്നാനായ കത്തോലിക്കാ ഫൊറോനാ പള്ളി ഓഡിറ്റോറിയത്തിൽ വച്ച് നടത്തി. ആരോൺ കോശിയുടെ പ്രാർഥനാ ഗാനത്തിനുശേഷം അമേരിക്കൻ ദേശീയ ഗാനത്തോടെ സംഗമം ആരംഭിച്ചു. ജയപ്രകാശ് നായർ ആമുഖ പ്രസംഗം നടത്തി.

തന്നോടൊപ്പം പ്രവർത്തിച്ച എല്ലാവർക്കും പ്രസിഡന്റ് അനിൽ ചെറിയാൻ നന്ദി അറിയിച്ചു. വിരമിച്ചവരെ പ്രതിനിധീകരിച്ച് മത്തായി മാത്യു സംസാരിച്ചു. ബാബു നരിക്കുളവും പ്രേം കൃഷ്ണനും ഗാനങ്ങൾ ആലപിച്ചു. ഹെലനും മിലനും സെലനും ചേർന്ന് യുഗ്മഗാനം ആലപിച്ചു. ഫാ. ജോണി സി‌എം‌ഐ അവതരിപ്പിച്ച ഫ്യൂഷൻ ഗാനങ്ങളും ആനാ’സ് വേൾഡ് എന്റർറ്റൈൻമെന്റ്സ് നൃത്തവും അവതരിപ്പിച്ചു.

തുടർന്നുനടന്ന തിരഞ്ഞെടുപ്പിൽ പ്രിൻസ് പോൾ (പ്രസിഡന്റ്), റോബി കോശി (സെക്രട്ടറി), അരുൺ അച്ചൻകുഞ്ഞ് (ട്രഷറർ), ജോർജി പോത്തൻ (പി‌ആർ‌ഒ) എന്നിവരെ തിരഞ്ഞെടുത്തു. കൂടാതെ, നോർത്ത് & സ്റ്റാറ്റൻ ഐലൻഡ് കോഓർഡിനേറ്റർമാരായി അനിൽ ചെറിയാൻ, ബിജു മേനാച്ചേരി, ജോർജ് അലക്സാണ്ടർ, വിശാൽ പീറ്റർ, അലക്സ് വർഗീസ് എന്നിവരെയും, സൗത്ത് & എം.റ്റി.എ. ബസ് കോഓർഡിനേറ്റർമാരായി രാജു വർഗീസ്, സെൽവി കുര്യൻ, കൃഷ്ണൻ ഉണ്ണി പണിക്കർ, അരുൺ ഷിബു, റിനോജ് കോരുത് എന്നിവരെയും, വിരമിച്ചവരിൽ നിന്നുള്ള കോഓർഡിനേറ്റർമാരായി പി.എസ്. വർഗീസ്, രാജു ഏബ്രഹാം, പുന്നൂസ് ഏബ്രഹാം, വർഗീസ് ഒലഹന്നാൻ, ജയപ്രകാശ് നായർ, ജയിംസ് ഏബ്രഹാം, മാത്യു തെക്കുമറ്റത്തിൽ, ബാബു നരിക്കുളം എന്നിവരെയും തിരഞ്ഞെടുത്തു.

ജേക്കബ് ചാക്കോ വരവ് ചെലവ് കണക്കുകൾ അവതരിപ്പിച്ചു. എംസീമാരായി ആരോൺ കോശിയും ഹെലനും പ്രവർത്തിച്ചു. പ്രിൻസ് പോൾ നന്ദി പറഞ്ഞു. ഇന്ത്യയുടെ ദേശീയ ഗാനത്തോടെ പരിപാടികൾ സമാപിച്ചു.