ഫിലഡൽഫിയ: ട്രൈസ്റ്റേറ്റ് കേരള ഫോറം സംഘടിപ്പിക്കുന്ന കേരളപ്പിറവി ദിനാഘോഷം നാളെ (നവംബർ 2) വൈകിട്ട് നാലിന് പമ്പ കമ്മ്യൂണിറ്റി ഹാളിൽ നടക്കും. സംവിധായകൻ സോഹൻലാൽ, നടനും നിർമാതാവും എഴുത്തുകാരനുമായ തമ്പി ആന്റണി എന്നിവർ മുഖ്യാതിഥികളാകും. കേരളീയ കലാരൂപങ്ങളെയും പൈതൃകത്തെയും പ്രമേയമാക്കി വിവിധ സാംസ്കാരിക പരിപാടികൾ അരങ്ങേറും.
സംഘാടക സമിതി ചെയർമാൻ ബിനു മാത്യു, സെക്രട്ടറി സാജൻ വർഗീസ്, ട്രഷറർ ജോർജ് ഒളിക്കൽ, കേരളാ ഡേ ചെയർമാൻ രാജൻ സാമുവൽ, ഓണം ചെയർമാൻ അഭിലാഷ് ജോൺ, പ്രോഗ്രാം കോഓർഡിനേറ്റർ വിൻസെന്റ് ഇമ്മാനുവൽ, ജോയിന്റ് സെക്രട്ടറി സുമോദ് നെല്ലിക്കാല, ജോയിന്റ് ട്രഷറർ അലക്സ് ബാബു എന്നിവരാണ് സംഘാടകർ.
