റ്റാംപ : മലങ്കര ഓർത്തഡോക്സ് സഭയുടെ പ്രഥമ പരിശുദ്ധനായ പരുമല തിരുമേനിയുടെ 123ാമത് ഓർമ്മപ്പെരുന്നാൾ, റ്റാംപ സെന്റ് ഗ്രിഗോറിയോസ് ഓർത്തഡോക്സ് ദേവാലയത്തിൽ നവംബർ ഒന്ന്, രണ്ട് തീയതികളിൽ നടക്കും.
ഒക്ടോബർ 26ന് ഞായറാഴ്ച വിശുദ്ധ കുർബാനാനന്തരം പള്ളിയങ്കണത്തിൽ കുരിശുതൊട്ടിയുടെ സമീപത്തായി സ്ഥാപിച്ച പുതിയ കാൻഡിൽ സ്റ്റാൻഡിന്റെ കൂദാശാ സമർപ്പണത്തിന് ശേഷം, ഇടവക വികാരി റവ. ജോർജ് പൗലോസ് കോപ്പറെപ്പിസ്കോപ്പ കൊടിയേറ്റു കർമ്മം നിർവ്വഹിച്ചതോടെ പെരുന്നാൾ ആഘോഷങ്ങൾക്ക് തുടക്കമായി.
ഈ വർഷത്തെ പെരുന്നാൾ ശുശ്രൂഷകളിലെ മുഖ്യ കാർമ്മികൻ റവ. തോമസ് പോൾ റമ്പാനാണ്. ഇടവക റവ. ജോർജ് പൗലോസ് കോപ്പറെപ്പിസ്കോപ്പ സഹ കാർമ്മികനായിരിക്കും. ഇടവകയുടെ കാവൽ പിതാവായ പരിശുദ്ധ പരുമല തിരുമേനിയുടെ ഓർമപ്പെരുന്നാൾ ശുശ്രൂഷകളിൽ വിശ്വാസികൾ എല്ലാവരും പങ്കെടുത്ത് അനുഗ്രഹം പ്രാപിക്കണമെന്ന് വികാരി അഭ്യർഥിച്ചു.
Report : രാജു മൈലപ്ര
Leave a comment