ഒബാമകെയർ സബ്‌സിഡി നീട്ടുമോ? ഇല്ലെങ്കിൽ ഇൻഷുറൻസ് പ്രീമിയം കുതിക്കും, ആശങ്ക

വാഷിങ്ടൺ: അമേരിക്കയിൽ ആരോഗ്യ ഇൻഷുറൻസ് മേഖലയിൽ വലിയ പ്രതിസന്ധി ഉടലെടുക്കുന്നു. ഒബാമകെയർ പദ്ധതിയുടെ ( അഫോർഡബിൾ കെയർ ആക്ട് ) ഭാഗമായുള്ള സബ്‌സിഡി 2025 ഡിസംബറിന് ശേഷം അവസാനിക്കുന്നതാണ് പ്രതിസന്ധിക്ക് കാരണം. ഇതോടെ ലക്ഷക്കണക്കിന് അമേരിക്കക്കാരുടെ ആരോഗ്യ ഇൻഷുറൻസ് പ്രീമിയം കുത്തനെ ഉയരും. വിഷയത്തിൽ ഡെമോക്രാറ്റുകളും റിപ്പബ്ലിക്കൻമാരും തമ്മിൽ വലിയ തർക്കങ്ങൾ നടക്കുന്നുണ്ട്. സബ്‌സിഡി നീട്ടണമെന്ന ഡെമോക്രാറ്റുകളുടെ നിലപാടിനെ റിപ്പബ്ലിക്കന്മാർ ഇതുവരെ അനുകൂലിക്കാത്തതോടെ രാജ്യത്ത് ഗവൺമെന്റ് ഷട്ട്ഡൗണും നീളുകയാണ്.2010ൽ ഒബാമ ഭരണകൂടം കൊണ്ടുവന്ന അഫോർഡബിൾ കെയർ ആക്ട് പദ്ധതിയുടെ പ്രധാന ലക്ഷ്യം എല്ലാവർക്കും ആരോഗ്യ ഇൻഷുറൻസ് ലഭ്യമാക്കുക എന്നതായിരുന്നു. ഇതിനായി ഓൺലൈൻ മാർക്കറ്റ് പ്ലേസുകൾ (ഓൺലൈൻ പ്ലാറ്റ്‌ഫോമുകൾ) ഉണ്ടാക്കുകയും അവിടെ നിന്ന് ഇൻഷുറൻസ് എടുക്കുന്നവ!ർക്ക് സബ്‌സിഡി (പ്രീമിയം ടാക്‌സ് ക്രെഡിറ്റ്) നൽകുകയും ചെയ്യുകയായിരുന്നു. കൊവിഡ് കാലത്ത് ബൈഡൻ ഭരണകൂടം അമേരിക്കൻ റെസ്‌ക്യൂ പ്ലാൻ വഴി സബ്‌സിഡി വർധിപ്പിച്ചു. പിന്നീട് ഇൻഫ്‌ലേഷൻ റിഡക്ഷൻ ആക്ട് വഴി 2025 അവസാനം വരെ ഇത് നീട്ടി. ഈ സബ്‌സിഡി 2026 ജനുവരി ഒന്നുമുതൽ നിലയ്ക്കുമെന്നതാണ് പ്രതിസന്ധിക്ക് കാരണം.

വാഷിങ്ടൺ പോസ്റ്റിന്റെ റിപ്പോർട്ട് അനുസരിച്ച്, അടുത്ത വർഷം മുതൽ അമേരിക്കയിൽ ഒബാമകെയർ പ്രീമിയങ്ങളിൽ ശരാശരി 30 ശതമാനം വർധനവ് ഉണ്ടാകും. ഇത് ഏകദേശം ഒരു ദശകത്തിലെ ഏറ്റവും വലിയ വർധനവാണ്. സെന്റേഴ്‌സ് ഫോർ മെഡികെയർ ആൻഡ് മെഡികെയ്ഡ് സർവീസസിന്റെ രേഖകളെ അടിസ്ഥാനമാക്കിയുള്ള ഈ പഠനം അനുസരിച്ച്, ഒലമഹവേരമൃല.ഴീ് വഴി ഇൻഷുറൻസ് എടുക്കുന്ന 1.7 കോടി അമേരിക്കക്കാരെ ഇത് നേരിട്ട് ബാധിക്കും. പ്രീമിയം തുക വർധിക്കുന്നത്, താഴ്ന്ന, ഇടത്തരം വരുമാനക്കാരെ ഇൻഷുറൻസിൽനിന്ന് അകറ്റാനും കാരണമാകും.

2025 നവംബർ ഒന്നുമുതൽ 2026 ജനുവരി 15 വരെയുള്ള ഓപ്പൺ എൻറോൾമെന്റ് സമയത്താണ് പ്രതിസന്ധി ഉടലെടുക്കുന്നത്. ആളുകൾക്ക് പുതിയ ഇൻഷുറൻസ് എടുക്കാനും നിലവിലുള്ളത് പുതുക്കാനും കഴിയുന്ന സമയപരിധി ആണ് ഓപ്പൺ എൻറോൾമെന്റ്. അതിനാൽ മാറ്റങ്ങൾ വരുന്നതിനു മുൻപ് ഇൻഷുറൻസ് പ്ലാനുകൾ താരതമ്യം ചെയ്യാൻ ഉപഭോക്താക്കൾക്ക് കുറഞ്ഞ സമയം മാത്രമേ ലഭിക്കൂ. ഹെൽത്ത് ആൻഡ് ഹ്യൂമൻ സർവീസസ് ഡിപ്പാർട്ട്‌മെന്റിന്റെ കണക്കുകൾ പ്രകാരം, 2025ലെ ഓപ്പൺ എൻറോൾമെന്റ് കാലയളവിൽ ഏകദേശം 2.42 കോടി ആളുകൾ മാർക്കറ്റ് പ്ലാനുകളിൽ ചേർന്നിരുന്നു. 2014ൽ പദ്ധതി തുടങ്ങിയതിന് ശേഷമുള്ള ഏറ്റവും വലിയ സംഖ്യയാണിത്.

2025 ഡിസംബ!ർ 31ന് അവസാനിക്കുന്ന സബ്‌സിഡി കോൺഗ്രസ് നീട്ടണമെന്നാണ് ഡെമോക്രാറ്റുകളുടെ ആവശ്യം. അതുവഴി സാധാരണക്കാർക്ക് സഹായകരമാകുമെന്നും സബ്‌സിഡി നിർത്തലാക്കുന്നത് മറഞ്ഞിരിക്കുന്ന നികുതി വർധനവ് ആണെന്നും അവർ പറയുന്നു. എന്നാൽ, ഗവൺമെന്റ് ഷട്ട്ഡൗൺ അവസാനിച്ച ശേഷം ഇതുമായി ബന്ധപ്പെട്ട ച!ർച്ച നടത്താമെന്ന നിലപാടിലാണ് റിപ്പബ്ലിക്കന്മാർ. കൂടാതെ, നേരത്തെ സബ്‌സിഡി നീട്ടിയത് താൽക്കാലികമായിരുന്നുവെന്നും അവർ വാദിക്കുന്നുണ്ട്.

ഏകദേശം 4.5 കോടിയിലധികം അമേരിക്കക്കാ!ർ ഒബാമകെയ!റിൽ എൻറോൾ ചെയ്തിട്ടുണ്ട്. ഇതിൽ 90 ശതമാനത്തിലധികം പേർക്ക് പ്രീമിയം സബ്‌സിഡി ലഭിക്കുന്നുണ്ട്. കുടുംബ വരുമാനം അടക്കം കണക്കാക്കിയാണ് സബ്‌സിഡിക്ക് യോഗ്യരായവരെ കണ്ടെത്തുന്നത്. കൈസർ ഫാമിലി ഫൗണ്ടേഷന്റെ റിപ്പോ!ർട്ട് പ്രകാരം, സബ്‌സിഡി ലഭിക്കുന്നവർക്ക് പ്രതിവർഷം ഏകദേശം 888 ഡോള!ർ മാത്രമാണ് ഇൻഷുറൻസിനായി നൽകേണ്ടി വരുന്നത്. സബ്‌സിഡി ഇല്ലെങ്കിൽ, പ്രതിവർഷം 7,400 ഡോളറിൽ കൂടുതൽ പ്രീമിയം നൽകേണ്ടി വരും.

ഏകദേശം 60 ശതമാനം അമേരിക്കക്കാരും ആരോഗ്യ ഇൻഷുറൻസ് ചെലവുകളെക്കുറിച്ച് ആശങ്കാകുലരാണെന്നാണ് റിപ്പോർട്ട്. ഉയർന്ന പ്രീമിയവും കുറഞ്ഞ ഇൻഷുറൻസ് ഓപ്ഷനുകളും കാരണം ഇൻഷുറൻസ് എടുക്കാൻ കഴിയാത്ത അവസ്ഥ ആണ് അവരെ ആശങ്കപ്പെടുത്തുന്നത്. അതേസമയം സബ്‌സിഡികൾ അവസാനിക്കുമെന്ന പ്രതീക്ഷയിൽ ഇൻഷുറൻസ് കമ്പനികൾ ഇതിനോടകം തന്നെ സംസ്ഥാന റെഗുലേറ്റർമാർക്ക് നിരക്ക് വർധനവ് ഫയൽ ചെയ്തിട്ടുണ്ടെന്നാണ് റിപ്പോർട്ട്.