ഡാളസ് കേരളാ അസോസിയേഷൻ തിരഞ്ഞെടുപ്പ്-ജേക്കബ് സൈമൺ ഇലക്ഷൻ കമ്മീഷണർ

ഡാളസ്: കേരളാ അസോസിയേഷൻ ഓഫ് ഡാലസ് 2026-27 വർഷങ്ങളിലേക്കുള്ള തിരഞ്ഞെടുപ്പിന് നേതൃത്വം നൽകുന്നതിന് ജേക്കബ് സൈമൺ (ഇലക്ഷൻ കമ്മീഷണർ), പീറ്റർ നെറ്റോ, മാത്യു കോശി (അസിസ്റ്റൻ്റ് ഇലക്ഷൻ കമ്മീഷണർമാർ) എന്നിവർ ഉൾപ്പെടുന്ന ഒരു കമ്മിറ്റിയെ തിരഞ്ഞെടുത്തു. ഒക്ടോബർ 31-നാണ് തിരഞ്ഞെടുപ്പിന് നാമനിർദേശ പത്രിക നൽകുന്നതിനുള്ള അവസാന തീയതി.

1976-ൽ സ്ഥാപിതമായ സംഘടന അമ്പതാം വർഷത്തിലേക്ക് പ്രവേശിക്കുമ്പോൾ, ഒരു വർഷം നീണ്ടു നിൽക്കുന്ന വലിയ ആഘോഷ പരിപാടികൾ അസോസിയേഷൻ ആസൂത്രണം ചെയ്യുമെന്നാണ് പ്രതീക്ഷിക്കുന്നത്. ഇതിന് അനുയോജ്യമായ ഒരു ഭരണസമിതിയെ സമവായത്തിലൂടെ അധികാരത്തിലെത്തിക്കണമെന്നാണ് ഭൂരിപക്ഷം അംഗങ്ങളും ആഗ്രഹിക്കുന്നത്. അതിനുള്ള അണിയറ പ്രവർത്തനങ്ങൾക്ക് മുതിർന്ന അംഗങ്ങളും മുൻ ഭാരവാഹികളും നേതൃത്വം നൽകുന്നു.