പൂച്ചവർഗ്ഗത്തിലെ … കൂട്ടമായി ജീവിക്കുന്ന ഒരേയൊരു ജീവിയാണ് സിംഹം. ഇവയുടെ കൂട്ടത്തെ പ്രൈഡ് എന്ന് വിളിക്കുന്നു. ഒരു പ്രൈഡിൽ സാധാരണയായി ബന്ധുക്കളായ നിരവധി പെൺസിംഹങ്ങൾ, അവയുടെ കുട്ടികൾ, ഒന്നോ രണ്ടോ ആൺസിംഹങ്ങൾ എന്നിവ ഉണ്ടാകും.
കൂട്ടത്തിലെ സിംഹങ്ങളാണ് പ്രധാനമായും വേട്ടയാടുന്നത്. സീബ്ര, വൈൽഡ്ബീസ്റ്റ് തുടങ്ങിയ ഇടത്തരം മുതൽ വലുപ്പമുള്ള ഇരകളെ പിടിക്കാൻ ഇവ പലപ്പോഴും കൂട്ടായ പ്രവർത്തനവും തന്ത്രങ്ങളും ഉപയോഗിക്കുന്നു.
പ്രധാനമായും പ്രൈഡിന്റെ അതിർത്തിയും , കുട്ടികളെയും, മറ്റു എതിരാളികളായ ആൺസിംഹങ്ങളിൽ നിന്നും ഭീഷണികളിൽ നിന്നും തൻ്റെ കൂട്ടത്തിലുള്ളവരേ എല്ലാം സംരക്ഷിക്കുകയും ചെയ്യുന്നു. അവയുടെ വലിയ ശരീരവും സടയും എതിരാളികളെ ഭയപ്പെടുത്താൻ സഹായിക്കുന്നു.
സട – ആൺസിംഹത്തിന്റെ മനോഹരമായ സട അതിന്റെ ശക്തിയുടെയും ആരോഗ്യത്തിന്റെയും സൂചനയാണ്. ഇരുണ്ടതും ഇടതൂർന്നതുമായ സട കൂടുതൽ ഇണകളെ ആകർഷിക്കുകയും പോരാട്ടസമയത്ത് കഴുത്തിന് സംരക്ഷണം നൽകുകയും ചെയ്യും.
സിംഹത്തിന്റെ ഗർജ്ജനത്തിൻ്റെ മുഴക്കം മൃഗരാജ്യത്തിലെ ഏറ്റവും ഉച്ചത്തിലുള്ള ശബ്ദങ്ങളിലൊന്നാണ്. ഇത് ഏകദേശം 5 മൈൽ ദൂരം വരെ കേൾക്കാൻ സാധിക്കും. സിംഹങ്ങൾ അവരുടെ പ്രദേശം അടയാളപ്പെടുത്താനും കൂട്ടത്തിലുള്ളവരുമായി ആശയവിനിമയം നടത്താനും വേണ്ടിയാണ് മുഴങ്ങുന്നത്.
വ
സിംഹങ്ങൾ പൊതുവെ അലസരാണ്; വേട്ടയാടാനുള്ള ഊർജ്ജം സംരക്ഷിക്കുന്നതിനായി, അവ ദിവസത്തിൽ ശരാശരി 16 മുതൽ 20 മണിക്കൂർ വരെ വിശ്രമിക്കുകയോ ഉറങ്ങുകയോ ചെയ്യുന്നു.
വലിപ്പം – കടുവയ്ക്ക് ശേഷം വലിപ്പത്തിൽ രണ്ടാമത്തെ വലിയ പൂച്ചവർഗ്ഗമാണ് സിംഹങ്ങൾ. ആൺ ആഫ്രിക്കൻ സിംഹങ്ങൾക്ക് 330 മുതൽ 550 പൗണ്ട് വരെ ഭാരം ഉണ്ടാകാം.
“കാട്ടിലെ രാജാവ്” എന്ന വിളിപ്പേരുണ്ടെങ്കിലും, സിംഹങ്ങൾ കാടുകളിലല്ല ജീവിക്കുന്നത്. ആഫ്രിക്കയിലെ സഹാറക്ക് തെക്കുള്ള സാവന്നകളിലും പുൽമേടുകളിലുമാണ് ഇവയുടെ പ്രധാന ആവാസവ്യവസ്ഥ. ഏഷ്യൻ സിംഹങ്ങളുടെ ഒരു ചെറിയ കൂട്ടം ഇന്ത്യയിലെ ഗിർ വനത്തിൽ മാത്രമായി ഒതുങ്ങിയിരിക്കുന്നു.
സിംഹക്കുട്ടികൾ ജനിക്കുമ്പോൾ ശരീരത്തിൽ നേരിയ പുള്ളിക്കുത്തുകൾ ഉണ്ടാകും. ഇത് പുല്ലുകൾക്കിടയിൽ ഒളിച്ചിരിക്കാൻ അവരെ സഹായിക്കുന്നു. വളരുമ്പോൾ ഈ പാടുകൾ മാഞ്ഞുപോകും. പ്രൈഡിലെ പെൺസിംഹങ്ങൾ ഒരുമിച്ച് കുഞ്ഞുങ്ങളെ വളർത്തുകയും, പാൽ ഉള്ള ഏത് പെൺസിംഹത്തിൽ നിന്നും കുഞ്ഞുങ്ങൾക്ക് പാൽ കുടിക്കുകയും ചെയ്യാം.
