റവ. ഫാദർ ഡേവിസ് ചിറമേൽ നയിക്കുന്ന ബൈബിൾ കൺവെൻഷൻ വെള്ളി മുതൽ ഡാളസിൽ

മാർട്ടിൻ വിലങ്ങോലിൽ

ഡാളസ് : പ്രസിദ്ധ കൺവൻഷൻ പ്രസംഗകനും പ്രമുഖ വേദപണ്ഡിതനും, ധ്യാന ഗുരുവും, ചിന്തകനും, കിഡ്‌നി ഫെഡറേഷൻ ഓഫ് ഇന്ത്യയുടെ ചെയർമാനുമായ റവ . ഫാ ഡേവിസ് ചിറമേലിന്റെ ദൈവവചനപ്രഘോഷണം ശ്രവിക്കുവാൻ അവസരം ഒരുങ്ങുന്നു.

ഫാർമേഴ്‌സ് ബ്രാഞ്ച് മാർത്തോമാ യുവജന സഖ്യത്തിന്റെ ആഭിമുഖ്യത്തിൽ ഒക്ടോബർ 17വേ, 18വേ (വെള്ളി ,ശനി ) തീയതികളിൽ മാർത്തോമാ ചർച്ച് ഓഫ് ഡാളസ് ഫാർമേഴ്‌സ് ബ്രാഞ്ച് ഇടവകയിൽ വച്ച് നടത്തപ്പെടുന്ന ബൈബിൾ കൺവൻഷണിൽ റവ. ഫാ ഡേവിസ് ചിറമേൽ തിരുവചനപ്രഘോഷണം നടത്തും.

വെള്ളിയാഴ്ച വൈകിട്ട് 6:30 മുതൽ 9 വരെയും ശനിയാഴ്ച്ച 6:30 9:00 വരെ നടത്തപ്പെടുന്ന കൺവൻഷൻ യോഗങ്ങൾ ഗാനശുശ്രൂഷയോടുകൂടി ആരംഭിക്കും. കൺവൻഷൻ യോഗങ്ങൾ അനുഗ്രഹകരമാക്കി തീർക്കുന്നതിന് ഏവരെയും സഭാ വൃത്യാസം കൂടാതെ യോഗങ്ങളിലേക്ക് സ്വാഗതം ചെയ്യുന്നുവെന്ന് ഭാരവാഹികൾ അറിയിച്ചു.

കൺവെൻഷൻ യോഗങ്ങൾ സംബന്ധിച്ചു കൂടുതൽ വിവരങ്ങൾക്ക് ബന്ധപ്പെടുക:
റവ. എബ്രഹാം വി സാംസൺ :2148864532, ബിജോയ് ബാബു:6825619820, ജോ ഇട്ടി:2146041058,
ബിപിൻ ജോൺ :4699559609, ദിബു ബെഞ്ചമിൻ:6898001218, ജോബി ജോൺ:2142353888