കണക്ടിക്കട്: വെസ്റ്റ് ഹാർട്ട് ഫോർഡിലെ സീറോ മലബാർ ഇടവകയുടെ ആഭിമുഖ്യത്തിൽ സംഘടിപ്പിച്ച ഈ വർഷത്തെ ആദ്യ വിശുദ്ധ കുർബാന സ്വീകരണം ഭക്തിനിർഭരമായി .
മേജർ ആർച്ച് ബിഷപ്പ് മാർ റാഫേൽ തട്ടിൽ, ചിക്കാഗോ രൂപതാ ബിഷപ്പ് മാർ ജോയ് ആലപ്പാട്ട് എന്നിവർ മുഖ്യകാർമ്മികരായി. പ്രശസ്ത വചനപ്രഘോഷകൻ ഫാ. ജോസഫ് പുത്തൻപുരക്കൽ, ഇടവക വികാരി ഫാ. ജോസഫ് പുള്ളിക്കാട്ടിൽ, ഫാ. ഫ്രാൻസിസ് എലുവാതിങ്കൽ എന്നിവർ വിശുദ്ധ കുർബാന അർപ്പണത്തിനും ആദ്യ കുർബാന സ്വീകരണ ശുശ്രൂഷകൾക്കും നേതൃത്വം നൽകി.
ആൽവിൻ ബിനോയ്, ഡോണ മരിയ ഡിഫിൻ, സാറാ മേരി മാത്യു, എമല്യൻ എലിസബത്ത് ബോബിൻ എന്നീ കുട്ടികളാണ് പ്രഥമ ദിവ്യകാരുണ്യം സ്വീകരിച്ച് വിശ്വാസജീവിതത്തിലെ സുപ്രധാന നാഴികക്കല്ല് പിന്നിട്ടത്
ആദ്യമായി ഈശോയെ ഹൃദയത്തിൽ സ്വീകരിച്ച കുട്ടികളെയും അവരുടെ മാതാപിതാക്കളെയും മാർ. റാഫേൽ തട്ടിൽ പ്രത്യേകം അഭിനന്ദിച്ചു. ദൈവവിശ്വാസത്തിലും ക്രൈസ്തവ മൂല്യങ്ങളിലും ഉറച്ചുനിന്ന്, സഭയ്ക്കും സമൂഹത്തിനും നന്മ ചെയ്യുന്നവരായി വളരാൻ അദ്ദേഹം കുട്ടികലെ ഉപദേശിച്ചു .
- Report പി പി ചെറിയാൻ
