ന്യൂ യോർക്ക് മൗണ്ട് സീനായ് ഹോസ്പിറ്റൽ ക്ലിനിക്കൽ കാർഡിയോളജി വിഭാഗത്തിൽ ഡയറക്ടറായി ഇന്ത്യൻ അമേരിക്കൻ ഡോക്ടർ സമീൻ കെ. ശർമയെ നിയമിച്ചു. സ്ഥാപനത്തിലെ ഏറ്റവും ഉയർന്ന തസ്തികകളിൽ ഒന്നാണിത്.
ഇന്റെർവെൻഷനൽ കാർഡിയോളജി സ്പെഷ്യലിസ്റ്റായ ശർമ മൂന്നു പതിറ്റാണ്ടിലേറെ മൗണ്ട് സിനായിൽ ഹൃദ്രോഗ ചികിത്സയ്ക്കു നേതൃത്വം നൽകി വരികയായിരുന്നു. അദ്ദേഹം ഈ രംഗത്തു ലോക പ്രസിദ്ധനാണെന്നു സ്ഥാപനം പറഞ്ഞു.
ഇന്ത്യൻ അമേരിക്കൻ സംഘടനകൾ ശർമയുടെ നിയമനത്തെ സ്വാഗതം ചെയ്തു. രാജസ്ഥാൻ അസോസിയയേഷൻ ഓഫ് നോർത്ത് അമേരിക്ക ന്യൂ യോർക്ക് (റാണാ), ജയ്പൂർ ഫൂട്ട് യുഎസ്എ, ബൃഹുഡ് എൻ വൈ സീനിയേഴ്സ് എന്നിവർ അദ്ദേഹത്തെ പ്രശംസിച്ചു.
റാണാ പ്രസിഡന്റ് പ്രേം ഭണ്ഡാരി പറഞ്ഞു: “ഇത് രാജസ്ഥാനും ഇന്ത്യക്കും യുഎസിനും അഭിമാനമാവുന്ന നിയമനമാണ്.”
രണ്ടു പതിറ്റാണ്ടു മുൻപ് ശർമ ജയ്പൂരിൽ സ്ഥാപിച്ച ഇ എച് സി സി ഹോസ്പിറ്റൽ രാജസ്ഥാനിലെ ഹൃദ്രോഗികൾക്ക് അത്യാധുനിക ചികിത്സ നൽകുന്നു.
