മലയാളികളുടെ പ്രിയതാരം ചിപ്പിയുടെ 51ാം പിറന്നാളായിരുന്നു കഴിഞ്ഞ ദിവസം. പിറന്നാൾ ആഘോഷത്തിന്റെ ചിത്രങ്ങൾ നടി സമൂഹ മാധ്യമങ്ങളിലൂടെ പങ്കുവച്ചു. മകൾ അവന്തികയുടെ നേതൃത്വത്തിലായിരുന്നു ആഘോഷം.
ആരാധകരും സഹപ്രവർത്തകരുമടക്കം നിരവധിപ്പേരാണ് ചിപ്പിക്ക് പിറന്നാൾ ആശംസകളുമായി എത്തിയത്. അതിനിടെ മകൾ അവന്തിക ചിപ്പിയുടെ രസകരമായൊരു വിഡിയോയാണ് അമ്മയുടെ പിറന്നാൾ ദിനത്തിൽ പങ്കുവച്ചത്.
മലയാളികൾക്ക് ഏറ്റവും പ്രിയപ്പെട്ട നടിമാരിൽ ഒരാളാണ് ചിപ്പി രഞ്ജിത്. മലയാളത്തിലും കന്നഡത്തിലുമായി തിളങ്ങി നിൽക്കുന്നതിനിടെ 2001ലായിരുന്നു ചിപ്പിയുടെ വിവാഹം. നിർമാതാവ് എം.രഞ്ജിത്ത് ആണ് ഭര്ത്താവ്. ഇവർക്ക് അവന്തിക എന്ന മകളുണ്ട്.
വിവാഹശേഷം നടി സിനിമയിൽ നിന്നും വിട്ടുനിന്നു. എന്നാൽ അഭിനയം ഉപേക്ഷിക്കാൻ താരം ഒരുക്കമായിരുന്നില്ല. അങ്ങനെയാണ് ടെലിവിഷൻ പരമ്പരകളുടെ ഭാഗമാകുന്നത്. ഇപ്പോൾ നിർമാതാവ് കൂടിയാണ് ചിപ്പി.
