ഓസ്റ്റിന്: അമേരിക്കയിലെ ടെക്സാസ് സംസ്ഥാനത്തുള്ള ഓസ്റ്റിനില് പ്രവര്ത്തിക്കുന്ന പി.ഡി.എം റിന്യൂവല് സെന്ററില് എല്ലാ മാസവും വിവിധങ്ങളായ ധ്യാനങ്ങള് നടന്നുവരികയാണ്. എല്ലാ മാസവും മൂന്നാം ശനിയാഴ്ച നടക്കാറുള്ള ഏകദിന അഭിഷേകാഗ്നി ആത്മീയ സംഗമം മെയ് 16-ാം തീയതി ശനിയാഴ്ച രാവിലെ 10 മണി മുതല് വൈകുന്നേരം 4 മണി വരെ ഓസ്റ്റിന് പി.ഡി.എം റിന്യൂവല് സെന്റററില് വെച്ച് നടത്തപ്പെടുന്നാണ്.
ഈ മൂന്നാം ശനി അഭിഷേകാഗ്നി കണ്വന്ഷന് നയിക്കുന്നത് ബഹു. സേവ്യര് ഖാന് വട്ടായിലച്ചനാണ്. ഈ ആത്മീയ സംഗമം വിശ്വാസികള്ക്ക് ആത്മീയ നവീകരണത്തിനും പ്രാര്ത്ഥനാനുഭവത്തിനും വേദിയാകും.
ഈ അഭിഷേകാഗ്നി കണ്വന്ഷനില് വചന പ്രഘോഷണവും, കുമ്പസാരം, സ്പ്രിച്വല് ഷെയറിങ്, രോഗശാന്തി വിടുതല് ശുശ്രൂഷകള്, വിശുദ്ധ കുര്ബാന, ദിവ്യകാരുണ്യ ആരാധന, വെഞ്ചരിപ്പ് ശുശ്രൂഷകള് എന്നിവ ഉണ്ടായിരിക്കും.
ഈ ഏകദിന കണ്വന്ഷനില് പങ്കെടുത്ത് ആത്മീയ നവീകരണത്തിലൂടെ ദൈവാനുഗ്രഹം പ്രാപിക്കാന് എല്ലാവരേയും ഈശോയുടെ നാമത്തില് സ്വാഗതം ചെയ്യുന്നു. അമേരിക്കയുടെ വിവിധ ഭാഗങ്ങളില് നിന്നും നിരവധി ഭക്തജനങ്ങളാണ് ഓസ്റ്റിനിലെ ഈ തീര്ത്ഥാടന കേന്ദ്രത്തിലേക്ക് എല്ലാമാസവും എത്തിച്ചേര്ന്നുകൊണ്ടിരിക്കുന്നത്.
അഭിഷേകാഗ്നി കണ്വന്ഷനിലേക്കുള്ള പ്രവേശനവും ഭക്ഷണവും സൗജന്യമാണ്. കണ്വന്ഷന്റെ വിജയത്തിനായി വിപുലമായ ക്രമീകരണങ്ങളാണ് ഓസ്റ്റിനിലെ പി.ഡി.എം ധ്യാനകേന്ദ്രത്തില് ഒരുക്കിയിരിക്കുന്നത്. PDM Austin, 8701 Burleson Manor Rd, Manor, Texas – 78653. കൂടുതല് വിവരങ്ങള്ക്ക്: 832 7 58 1080, 408 643 4888.
Leave a comment