കോ​ൺ​ഗ്ര​സി​ൽ മു​ഖ്യ​മ​ന്ത്രി ച​ർ​ച്ച: നി​രീ​ക്ഷ​ക​രെ നി​യോ​ഗി​ച്ച് എ​ഐ​സി​സി; ര​മേ​ശ് ചെ​ന്നി​ത്ത​ല ഡ​ൽ​ഹി​ക്ക്

ന്യൂ​ഡ​ൽ​ഹി: കോ​ൺ​ഗ്ര​സി​ൽ മു​ഖ്യ​മ​ന്ത്രി ച​ർ​ച്ച മു​റു​കു​ന്ന​തി​നി​ടെ ര​മേ​ശ് ചെ​ന്നി​ത്ത​ല നാ​ളെ ഡ​ൽ​ഹി​ക്ക് തി​രി​ക്കും. മ​ഹാ​രാ​ഷ്ട്ര ഡി​സി​സി പു​ന​സം​ഘ​ട​ന അ​ജ​ണ്ടയെന്നാണ് ഔ​ദ്യോ​ഗി​ക വി​ശ​ദീ​ക​ര​ണ​മെ​ങ്കി​ലും കേ​ര​ള​ത്തി​ലെ സാ​ഹ​ച​ര്യ​വും ച​ർ​ച്ച​യാ​കും. പ്രതിപക്ഷ നേതാവും യു.ഡി.എഫ്. ചെയർമാനുമെന്നനിലയിൽ വി.ഡി. സതീശൻ, മുൻ പ്രതിപക്ഷനേതാവും സീനിയോറിറ്റിയിൽ മുൻപനുമായ രമേശ് ചെന്നിത്തല, എ.ഐ.സി.സി. ജനറൽ സെക്രട്ടറി കെ.സി. വേണുഗോപാൽ എന്നിവരാണ് പരിഗണനയിലുള്ളത്. എം.എൽ.എ.മാരുടെ അഭിപ്രായമാരാഞ്ഞശേഷം ഹൈക്കമാൻഡ് മുഖ്യമന്ത്രിയെ നിശ്ചയിക്കുകയാണ് കോൺഗ്രസിലെ രീതി.

അ​തേ​സ​മ​യം കേ​ര​ള​ത്തിലെ മുഖ്യമന്ത്രി ചർച്ചയ്ക്കായി ​അ​ജ​യ്മാ​ക്ക​നെയും മു​കു​ൾ​വാ​സ്നി​ക്കിനെയും നി​രീ​ക്ഷ​ക​രായി എ​ഐ​സി​സി നി​യോ​ഗി​ച്ചു. മു​ഖ്യ​മ​ന്ത്രി പ്ര​ഖ്യാ​പ​നം ഉ​ട​ൻ ഉ​ണ്ടാ​കു​മെ​ന്നും എ​ഐ​സി​സി അ​റി​യി​ച്ചു. നി​യ​മ​സ​ഭാ​ക​ക്ഷി യോ​ഗം വി​ളി​ക്കു​ന്ന ദി​വ​സം നി​രീ​ക്ഷ​ക​ർ കേ​ര​ള​ത്തി​ലെ​ത്തും. ഓ​രോ എം​എ​ൽ​എ​യേ​യും നി​രീ​ക്ഷ​ക​ർ നേ​രി​ൽ കാ​ണും.

മു​ഖ്യ​മ​ന്ത്രി ച​ർ​ച്ച സം​ബ​ന്ധി​ച്ച് ഡ​ൽ​ഹി​യി​ൽ നി​ർ​ണാ​യ​ക യോ​ഗ​വും ചേ​ർ​ന്നു. കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​ഖാ​ർ​ജു​ൻ ഖാ​ർ​ഗെ, രാ​ഹു​ൽ ഗാ​ന്ധി, ജ​യ​റാം ര​മേ​ശ് തു​ട​ങ്ങി​യ​വ​ർ യോ​ഗ​ത്തി​ൽ പ​ങ്കെ​ടു​ത്തു.

അ​തേ​സ​മ​യം നൂറുസീറ്റും കടന്ന് നിയമസഭാ തിരഞ്ഞെടുപ്പിൽ ഉഗ്രൻ തിരിച്ചുവരവിന് വഴിയൊരുക്കിയ യുഡിഎഫിന്റെ പടനായകന് എറണാകുളത്ത് വൻ സ്വീകരണം. തലസ്ഥാനത്ത് നിന്ന് എറണാകുളത്തേക്ക് മടങ്ങിയെത്തിയ വി.ഡി. സതീശന് ഉജ്ജ്വല വരവേൽപ്പാണ് ലഭിച്ചത്. കൊടിതോരണങ്ങളും മുദ്രാവാക്യം വിളികളുമായി പ്രവർത്തകർ തങ്ങളുടെ നേതാവിനെ സ്വീകരിച്ചു.

മുഖ്യമന്ത്രി സതീശാ, വി.ഡി.എസ് എന്നുൾപ്പെടെയുള്ള മുദ്രാവാക്യങ്ങളും ജനക്കൂട്ടത്തിൽ നിന്നുയർന്നു. ജനങ്ങളെ നിയന്ത്രിക്കാൻ പോലീസും പാടുപെട്ടു. പ്രവർത്തകർ സതീശനെ എടുത്തുയർത്തി. റെയിൽവേ സ്റ്റേഷനിൽ നിന്ന് എറണാകുളം ഡിസിസി ഓഫീസിലേക്കാണ് സതീശൻ പോയത്. അവിടെ നിന്നാണ് സ്വന്തം മണ്ഡലമായ പറവൂരിലേക്കാണ് വി.ഡി. സതീശൻ പോകുന്നത്. ഡിസിസി ഓഫീസിലും ആഘോഷ പരിപാടികൾ നടക്കുന്നുണ്ട്. റെയിൽവേ സ്റ്റേഷനിൽ നിന്ന് മടങ്ങാൻ സാധിക്കാത്ത വിധം വൻജനാവലിയാണ് പരിസരത്ത് തടിച്ചുകൂടിയത്.