കൊച്ചി: വൈഎംസിഎ ദേശീയ പ്രസിഡന്റായി റിട്ട. ജസ്റ്റിസ് കുര്യൻ ജോസഫ് തിരഞ്ഞെടുക്കപ്പെട്ടു. എറണാകുളം വൈഎംസിഎയിൽ ചേർന്ന ത്രിവത്സര കൗൺസിലിൽ ഇന്നു നടന്ന തിരഞ്ഞെടുപ്പിലാണ് ജസ്റ്റിസ് കുര്യൻ ജോസഫിനെ തിരഞ്ഞെടുത്തത്. നിലവിലെ ദേശീയ പ്രസിഡന്റ് വിൻസെന്റ് ജോർജിനെ ജസ്റ്റിസ് കുര്യൻ ജോസഫ് പരാജയപ്പെടുത്തി.
മറ്റ് ഭാരവാഹികൾ: വൈസ് പ്രസിഡന്റുമാരായി കെ.എസ്. പ്രേമാനന്ദ് (വൈഎംസിഎ ശിവഗംഗ), ടി.സുമൻ ത്യാഗരാജ് (വൈഎംസിഎ വൈഎസ്ആർ തടിഗടപ്പ വിജയവാഡ), അണ്ടർ 30 വൈസ് ചെയർപേഴ്സണായി മഹിമ തുർക്കി അഗർവാൾ (വൈഎംസിഎ ന്യൂ ബദാഗഡ്), ദേശീയ ട്രഷററായി ഡോ. പീറ്റർ വിൽസൺ പ്രഭാകർ (വൈഎംസിഎ പുത്തൂർ) എന്നിവരെയും തിരഞ്ഞെടുത്തു. ഭാരവാഹികൾ സത്യപ്രതിജ്ഞ ചെയ്ത് സ്ഥാനമേറ്റു.
ദേശീയ പ്രസിഡന്റായി തിരഞ്ഞെടുക്കപ്പെട്ട ജസ്റ്റിസ് കുര്യൻ ജോസഫ് സുപ്രീം കോടതിയിൽ ജസ്റ്റിസ്, വൈഎംസിഎ ചെന്നൈ ഫിസിക്കൽ എജ്യുക്കേഷൻ കോളേജ് ചെയർമാൻ അടക്കമുള്ള സ്ഥാനങ്ങൾ വഹിച്ചിട്ടുണ്ട്. ഒക്കൽ വൈഎംസിഎ അംഗമാണ്.
Leave a comment