ഇസ്ലാമാബാദിലെ രണ്ടാംഘട്ട ചർച്ചയിൽ ജെ ഡി വാൻസ് പങ്കെടുക്കും,​ സ്ഥിരീകരിച്ച് വൈറ്റ്ഹൗസ്

വാഷിംഗ്ട‌ൺ: ഇറാനുമായി ഇസ്ലാമാബാദിൽ നടക്കുന്ന രണ്ടാംഘട്ട സമാധാന ചർച്ചകളിൽ യു.എസ് വൈസ് പ്രസിഡ‌ന്റ് ജെ.ഡി. വാൻസ് പങ്കെടുക്കും. ഇക്കാര്യം വൈറ്റ് ഹൗസ് സ്ഥിരീകരിച്ചു. നേരത്തെ സുരക്ഷാ കാരണങ്ങളാൽ വാൻസ് പാകിസ്ഥാനിലേക്ക് പോകില്ലെന്ന് പ്രസിഡന്റ് ഡൊണാൾഡ് ട്രംപ് സൂചിപ്പിച്ചിരുന്നു. അവസാന നിമിഷം ഈ തീരുമാനം മാറ്റിയെന്ന റിപ്പോർട്ടുകളാണ് പുറത്തുവരുന്നത്. ബുധനാഴ്ച നിലവിലെ വെടിനിറുത്തൽ കരാറിന്റെ കാലാവധി അവസാനിക്കാനിരിക്കെയാണ് ജെ.ഡി. വാൻസ് ചർച്ചകൾക്കായി ഇസ്ലാമാബാദിൽ വീണ്ടും എത്തുന്നത്.