തിരുവനന്തപുരം: നിയമസഭാ തെരഞ്ഞെടുപ്പിനുള്ള ബിജെപി പ്രകടന പത്രിക ദേശീയ അധ്യക്ഷൻ നിതിൻ നവീൻ പ്രകാശനം ചെയ്തു. ഇതാണ് മാറ്റം, ഇതാണ് വികസിത കേരളമെന്ന തലവാചകത്തോടെയാണ് പ്രകടന പത്രിക പുറത്തിറക്കിയത്.
എയിംസ് യാഥാര്ഥ്യമാക്കുമെന്നാണ് പ്രധാന വാഗ്ദാനം. തിരുവനന്തപുരത്തും കോഴിക്കോടും മെട്രോ റെയിൽ പദ്ധതി നടപ്പാക്കും. തിരുവനന്തപുരം മുതൽ കണ്ണൂര് വരെയുള്ള അതിവേഗ പാത യാഥാര്ഥ്യമാക്കുമെന്നും പ്രകടന പത്രികയിൽ പറയുന്നു. സ്വര്ണക്കൊള്ള കേസ് സിബിഐ അന്വേഷിക്കും.
സംസ്ഥാനത്തെ ദേവസ്വം ബോര്ഡുകള് പുനസംഘടിപ്പിക്കും. നിര്ധന കുടുംബങ്ങള്ക്ക് വര്ഷത്തിൽ രണ്ട് എൽപിജി സിലിണ്ടര് സൗജന്യമായി നൽകും. ഒരോ വീടിനും പ്രതിമാസം 20000 ലിറ്റര് സൗജന്യ കുടിവെള്ളം, ക്ഷേമ പെൻഷൻ 3000 രൂപയാക്കും തുടങ്ങിയ പ്രഖ്യാപനങ്ങളും പ്രകടന പത്രികയിലുണ്ട്.
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖര്, തിരുവനന്തപുരം മേയര് വി.വി.രാജേഷ്, ട്വന്റി 20 കോഓര്ഡിനേറ്റര് ചീഫ് സാബു ജേക്കബ്, ബിഡിജെഎസ് സംസ്ഥാന അധ്യക്ഷൻ തുഷാര് വെള്ളാപ്പള്ളി തുടങ്ങിയവർ യോഗത്തിൽ പങ്കെടുത്തു.
