കൊലക്കേസ് പ്രതിയായ യുവതി കടന്നുകളഞ്ഞു; കണ്ടെത്താൻ സഹായിക്കുന്നവർക് പ്രതിഫലം പ്രഖ്യാപിച് ക്രൈം സ്റ്റോപ്പേഴ്സ്

ഫോർട്ട് വർത്ത് (ടെക്സസ് ): ടെക്സസിൽ കൊലപാതകക്കേസിലെ പ്രതിയായ യുവതി തന്റെ കണങ്കാലിൽ ഘടിപ്പിച്ചിരുന്ന ഇലക്ട്രോണിക് മോണിറ്റർ  അഴിച്ചുമാറ്റി ഒളിവിൽ പോയി. ടാറന്റ് കൗണ്ടി ഷെരീഫ് ഓഫീസാണ് വിവരം പുറത്തുവിട്ടത്.

35 വയസ്സുകാരിയായ ലിസ മിച്ചൽ ആണ് ഒളിവിൽ പോയത്. ഫോർട്ട് വർത്ത് മേഖലയിലാണ് ഇവരെ അവസാനമായി കണ്ടത്.

 നോർത്ത് റിച്ച്ലാൻഡ് ഹിൽസിൽ ഒരാളുടെ മരണത്തിന് കാരണമായ ഫെന്റനൈൽ (Fentanyl) മരുന്ന് വിറ്റതിനാണ് ഇവർക്കെതിരെ കൊലക്കുറ്റം ചുമത്തിയത്.

ജാമ്യവ്യവസ്ഥ ലംഘനം: ജയിലിൽ നിന്ന് ജാമ്യത്തിൽ ഇറങ്ങിയ ഇവർക്ക് കർശനമായ നിരീക്ഷണത്തിനായി കണങ്കാൽ മോണിറ്റർ ധരിക്കണമെന്ന വ്യവസ്ഥയുണ്ടായിരുന്നു. എന്നാൽ ഇത് അഴിച്ചുമാറ്റിയതോടെ ഇവർക്കെതിരെ കൂടുതൽ കേസുകൾ രജിസ്റ്റർ ചെയ്തു.

പ്രതിഫലം: ഇവരെ കണ്ടെത്താൻ സഹായിക്കുന്ന വിവരങ്ങൾ നൽകുന്നവർക്ക് ക്രൈം സ്റ്റോപ്പേഴ്സ് 1,000 ഡോളർ വരെ പ്രതിഫലം പ്രഖ്യാപിച്ചിട്ടുണ്ട്.