കൊച്ചി: പ്രധാനമന്ത്രി നരേന്ദ്ര മോദി മാർച്ച് 11 ബുധനാഴ്ച കൊച്ചിയില് എത്തും. നിയമസഭാ തെരഞ്ഞെടുപ്പിന് മുന്നോടിയായി വിവിധ വികസന പദ്ധതികള് അദ്ദേഹം ഉദ്ഘാടനം ചെയ്യും. എന്ഡിഎ തെരഞ്ഞെടുപ്പ് കണ്വെന്ഷനിലും മോദി പങ്കെടുക്കും.
ബുധനാഴ്ച രാവിലെ 11.30 – നാണ് പ്രധാനമന്ത്രി നെടുമ്പാശേരിയില് എത്തുന്നത്. തുടർന്ന് എറണാകുളം മറൈന് ഡ്രൈവില് ധീരവസഭ സംഘടിപ്പിക്കുന്ന പരിപാടിയിൽ അദ്ദേഹം പങ്കെടുക്കും. പിന്നീട് കലൂര് സ്റ്റേഡിയത്തിലേക്ക് റോഡ് ഷോയായി അദ്ദേഹം പോകും.
കലൂർ മൈതാനത്ത് നടക്കുന്ന പൊതു ചടങ്ങിൽ പാലക്കാട് – പൊള്ളാച്ചി മെമു ട്രെയിന് പ്രധാനമന്ത്രി ഫ്ലാഗ് ഓഫ് ചെയ്യും. ചങ്ങനാശേരി, കുറ്റിപ്പുറം, ഷൊര്ണൂര് അമൃത് ഭാരത് സ്റ്റേഷനുകളുടെ ഉദ്ഘാടനം, വൈദ്യുതീകരണം പൂര്ത്തിയാക്കിയ ഷൊര്ണൂര് – നിലമ്പൂര് പാത നാടിന് സമർപ്പണം, ബിപിസിഎല്, ദേശീയപാത അതോറിറ്റി എന്നിവയുടെ വിവിധ പദ്ധതികളുടെ ശിലാസ്ഥാപനം എന്നിവയും പ്രധാനമന്ത്രി നിര്വഹിക്കും. ഇതിന് ശേഷമായിരിക്കും എന്ഡിഎ കണ്വെന്ഷനിലേക്ക് അദ്ദേഹം എത്തുക.






Leave a comment