യീ എന്ന പേരിൽ അറിയപ്പെടുന്ന വിഖ്യാത യുഎസ് റാപ് താരം ഇന്ത്യയി‍ലാദ്യമായി പാടാൻ എത്തുന്നു

ന്യൂഡൽഹി : THIS IS NOT A SHOW. THIS IS A STATEMENT. പറയുന്നതും പാടുന്നതും കാന്യെ വെസ്റ്റാണ്. ഷോ അല്ല, നിലപാടിന്റെ ഗർജനം!‌ യീ എന്ന പേരിൽ അറിയപ്പെടുന്ന വിഖ്യാത യുഎസ് റാപ് താരം പുതിയ ലോകപര്യടനത്തിന്റെ ഭാഗമായാണ് ഇന്ത്യയി‍ലാദ്യമായി പാടാൻ വരുന്നത്. മാർച്ച് 29ന് ഡൽഹിയിലെ ജവാഹർലാൽ നെഹ്റു സ്റ്റേഡിയത്തിലാണ് പരിപാടി.

കഴിഞ്ഞ ഒക്ടോബറിൽ ട്രാവിസ് സ്കോട്ട് പാടിത്തകർത്ത അതേ വേദിയിലാണ് ഇന്ത്യയിലെ ആരാധകർക്കായി യീ എത്തുന്നത്. പാടാനായി ആദ്യമെങ്കിലും യീ ഇന്ത്യയിൽ വരുന്നത് ആദ്യമായല്ല. 2009–ൽ ഗായകൻ ഇവിടെ ആത്മീയ സന്ദർശനം നടത്തിയിട്ടുണ്ട്. അന്ന് ഒരു ആശ്രമത്തിൽ തങ്ങി. 2012–ൽ ഇന്ത്യയിൽ വന്നത് സ്വന്തം ഫാഷൻ ബ്രാൻഡുമായി ബന്ധപ്പെട്ട ആവശ്യങ്ങൾക്കായിരുന്നു.