ന്യൂഡൽഹി: ബ്രസീൽ പ്രസിഡന്റ് ലുല ഡസിൽവ ഇന്ത്യയിലേക്ക്. ഫെബ്രുവരി 18 മുതൽ 22 വരെയാണ് സന്ദർശനം. പ്രധാനമന്ത്രി നരേന്ദ്ര മോദിയുടെ ക്ഷണപ്രകാരമാണ് അദ്ദേഹത്തിന്റെ ഇന്ത്യാ സന്ദർശനമെന്ന് വിദേശകാര്യ വക്താവ് രൺധീർ ജയ്സ്വാൾ പറഞ്ഞു. നരേന്ദ്ര മോദിയുമായി ഉഭയകക്ഷി ചർച്ച നടത്തുന്ന ലുല ഡസിൽവ, രാജ്യതലസ്ഥാനത്ത് നടക്കുന്ന എഐ ഇംപാക്റ്റ് ഉച്ചകോടിയിലും പങ്കെടുക്കും.
ഫെബ്രുവരി 21നാണ് ലുല ഡസിൽവയും നരേന്ദ്ര മോദിയും തമ്മിലുള്ള കൂടിക്കാഴ്ച. ബഹുരാഷ്ട്ര വേദികളിലെ സഹകരണം, പരിഷ്കരിച്ച ബഹുരാഷ്ട്രവാദം, ആഗോള ഭരണം എന്നിവയുൾപ്പെടെയുള്ളവ ഇരു നേതാക്കളും ചർച്ച ചെയ്യും. ലുല ഡസിൽവയ്ക്കൊപ്പം 14 മന്ത്രിമാരും ബിസിനസ് പ്രതിനിധി സംഘവും ഉണ്ടാകും.
