സഞ്ജു നയിക്കും, സന്തോഷ് ട്രോഫിക്കുള്ള കേരള ടീമിനെ പ്രഖ്യാപിച്ചു

കൊച്ചി: 79-ാമത് സന്തോഷ് ട്രോഫിക്കുള്ള കേരള ടീമിനെ പ്രഖ്യാപിച്ചു. 22 അംഗ സ്‌ക്വാഡിനെയാണ് പ്രഖ്യാപിച്ചത്. പ്രതിരോധതാരം ജി. സഞ്ജുവാണ് നായകൻ. കഴിഞ്ഞ വർഷം കലാശപ്പോരിൽ കൈവിട്ട കിരീടം തിരിച്ചെത്തിക്കുകയാണ് ടീമിന്റെ ലക്ഷ്യം. യുവതാരങ്ങൾക്ക് പ്രാധാന്യം നൽകിയാണ് സ്‌ക്വാഡിനെ പ്രഖ്യാപിച്ചത്.

അസമിലാണ് ഫൈനൽ റൗണ്ട് മത്സരങ്ങൾ നടക്കുന്നത്. ആറ് ടീമുകൾ ഉള്ള രണ്ട് ഗ്രൂപ്പുകളാണുള്ളത്. സർവീസസ്, പഞ്ചാബ്, ഒഡിഷ, റെയിൽവേസ്, മേഘാലയ എന്നിവർക്കൊപ്പം ഗ്രൂപ്പ് ബി യിലാണ് കേരളം.ജനുവരി 22 മുതൽ ഫെബ്രുവരി എട്ട് വരെയാണ് മത്സരങ്ങൾ. ആദ്യ മത്സരത്തിൽ കേരളം പഞ്ചാബിനെ നേരിടും .

കേരള ടീം

ഗോൾകീപ്പർമാർ – ടി.വി. അൽകേഷ് രാജ് (തൃശൂർ), എസ്. ഹജ്മൽ (പാലക്കാട്), എം. മുഹമ്മദ് ജസീൻ (മലപ്പുറം).

പ്രതിരോധ താരങ്ങൾ – ജി.സഞ്ജു (എറണാകുളം), എം. മനോജ് (തിരുവനന്തപുരം), അജയ് അലക്‌സ് (എറണാകുളം), ബിബിൻ അജയൻ (എറണാകുളം), എസ്. സന്ദീപ് (മലപ്പുറം), അബ്‌ദുൽ ബാദിഷ് (മലപ്പുറം), തേജസ് കൃഷ്ണ (പാലക്കാട്)

മധ്യനിര താരങ്ങൾ – എം.എം. അർജുൻ (തൃശൂർ), വി. അർജുൻ (കോഴിക്കോട്), ഒ.എം. ആസിഫ് (എറണാകുളം). എം. വിഘ്നേഷ് (തിരുവനന്തപുരം), എം.എൽ. അബൂബക്കർ ദിൽഷാദ് (കാസർകോട്).

സ്ട്രൈക്കർമാർ – ടി. ഷിജിൻ (തിരുവനന്തപുരം), മുഹമ്മദ് അജ്സൽ (കോഴിക്കോട്), ഇ. സജീഷ് (പാലക്കാട്), പി.ടി. മുഹമ്മദ് റിയാസ് (പാലക്കാട്), എ.പി. മുഹമ്മദ് സിനാൻ (പാലക്കാട്), കെ. മുഹമ്മദ് ആഷിഖ് (മലപ്പുറം), എൻ.എ. മുഹമ്മദ് അഷർ (തൃശൂർ).