ഗ്രെയ്റ്റർ അറ്റ്ലാന്റ മലയാളി അസോസിയേഷന് (ഗാമ) പുതിയ ഭരണസമിതിയെ തെരഞ്ഞെടുത്തു

അറ്റ്ലാന്റ : നോർത്ത് അമേരിക്കയിലെ പ്രമുഖ മലയാളി സംഘടനകളിലൊന്നായ ഗ്രെയ്റ്റർ അറ്റ്ലാന്റ മലയാളീ അസോസിയേഷൻ (ഗാമ) 2026 വർഷത്തേക്കുള്ള പുതിയ ഭരണസമിതിയെ തെരഞ്ഞെടുത്തു.  ഡിസംബർ 13-ന് നടന്ന വാർഷിക പൊതുയോഗത്തിൽ, ജോൺ മത്തായിയുടെ നേതൃത്വത്തിലുള്ള പതിമൂന്നു അംഗ എക്സിക്യൂട്ടീവ് കമ്മിറ്റിയെ എതിരില്ലാതെ തിരഞ്ഞെടുക്കുകയുണ്ടായി.

വൈസ് പ്രസിഡന്റ്: ലക്ഷ്മി പിള്ള
സെക്രട്ടറി : ഷെറിൻ ബായി
ജോയിന്റ് സെക്രട്ടറി : സതീഷ് പികെ
ട്രേഷറർ: രേഖ നെടുംപുറത്ത്
ഗാമ Affairs: സിബി കരിപ്പാപ്പറമ്പിൽ
കൾച്ചറൽ ചെയർമാൻ: പ്രവീൺ തമ്പി
പ്രോഗ്രാം ചെയർമാൻ: സുബി ബോബു
ഇവെന്റ്സ് ചെയർമാൻ: സിമി അബ്ദുൽ ഷുക്കൂർ
IT ചെയർമാൻ: രാഹുൽ നടരാജൻ
സ്പോർട്സ് ചെയർമാൻ: ടെറൻസ് ജോൺ
ഫുഡ് & ചാരിറ്റി ചെയർമാൻ: നിഷാദ് സലിം
യൂത്ത് & സീനിയർ ഫോറം ചെയർമാൻ: ലത രഘു

ഗാമയുടെ ട്രസ്റ്റി ബോർഡ് ചെയർമാനും മുൻ പ്രസിഡന്റുമായ നവീൻ ജോബ്, ട്രസ്റ്റി ബോർഡ് അംഗങ്ങളായ തോമസ് ഈപ്പൻ, സജീവ് പദ്മനിവാസ്, ബിനു കാസിം, സജി പിള്ള എന്നിവർ സംയുക്തമായി തെരഞ്ഞെടുപ്പ് ഫലം ഔദ്യോഗികമായി പ്രഖ്യാപിച്ചു. വാർഷിക പൊതുയോഗത്തിന്റെ നടത്തിപ്പിനായി പ്രത്യേക ക്ഷണിതാവായി കണ്ണൻ ഉദയരാജനെ പൊതുയോഗം തെരഞ്ഞെടുത്തു.

പതിവിൽ നിന്നും വ്യത്യസ്തമായി, ഐക്യകണ്ഠേന  വിജയിച്ച ഭരണസമിതിക്ക് എല്ലാ ആശംസകളും പൂർണ പിന്തുണയും അറിയിക്കുന്നതായി, 2025 എക്സിക്യൂട്ടീവ് കമ്മിറ്റിയെ പ്രതിനിധീകരിച്ച് മിനി നായർ, സുപ്രിയ നമ്പൂതിരി, അനുപമ പുറട്ടുപറമ്പിൽ എന്നിവർ സംയുക്തമായി അറിയിച്ചു.

അനുഭവസമ്പത്തും പുതുമയും ഒരുപോലെ ഉൾക്കൊള്ളുന്ന ഒരു ശക്തമായ ടീമിന് തുടക്കം കുറിക്കാനായതിലുള്ള സന്തോഷം നിയുക്ത പ്രസിഡന്റ് ജോൺ മത്തായി പങ്കുവെച്ചു. ഗാമയുടെ ഭാവി പ്രവർത്തനങ്ങൾ വിജയകരമാക്കുന്നതിന് എല്ലാ അംഗങ്ങളുടെയും സഹകരണവും പിന്തുണയും അഭ്യർത്ഥിക്കുന്നതായി നിയുക്ത സെക്രട്ടറി ഷെറിൻ ബായിയും ട്രഷറർ രേഖ നെടുംപുറത്തും വൈസ് പ്രസിഡന്റ് ലക്ഷ്മി പിള്ളയും അറിയിച്ചു.

ഗാമയുടെ 45 വർഷത്തെ ചരിത്രത്തിൽ ആദ്യമായാണ് തെരഞ്ഞെടുക്കപ്പെട്ട ദിവസം തന്നെ അടുത്ത വർഷത്തേക്കുള്ള കർമ്മപരിപാടികളുടെ രൂപരേഖ അവതരിപ്പിക്കപ്പെടുന്നത്. 2026 എക്സിക്യൂട്ടീവ് കമ്മിറ്റിക്ക് ഹൃദയം നിറഞ്ഞ അഭിനന്ദനങ്ങൾ അറിയിക്കുന്നതായി 2025 എക്സിക്യൂട്ടീവ് കമ്മിറ്റി അംഗങ്ങളായ സ്വപ്ന മേനോൻ, ശാലിനി ഷജീവ്, അഞ്ജന വർമ്മ, വിദ്യ ബിനീഷ്, മീനു കമലാക്ഷൻ, ക്രിസ്റ്റീൻ ആൻഡ്രൂസ്, സ്വപ്ന മാധവൻ, ഗീത പള്ളിയാമ്പിൽ എന്നിവർ സംയുക്തമായി അറിയിച്ചു.

അനുഭവസമ്പത്തും പുതുമയും ഒരുപോലെ ഉൾക്കൊള്ളുന്ന ഈ ടീം, ഗാമയുടെ 45 വർഷത്തെ പാരമ്പര്യത്തെ ശക്തിപ്പെടുത്തിക്കൊണ്ട് സമൂഹസേവനത്തിനും സാംസ്കാരിക വളർച്ചയ്ക്കും പുതുശക്തി പകരുമെന്ന് പ്രതീക്ഷിക്കുന്നു.

Report ബിനു കാസിം