കോട്ടയം: അസ്മിത ഖേലോ ഇന്ത്യ സൗത്ത് സോണ് ഭാരോദ്വഹനത്തില് കേരളം ജൂണിയര് വിഭാഗത്തില് ചാമ്പ്യന്ഷിപ്പ് കരസ്ഥമാക്കി. 170 പോയിന്റോടെയാണ് കേരളത്തിന്റെ ചാമ്പ്യന്പട്ടം. 167 പോയിന്റ് നേടിയ കര്ണാടകയ്ക്കാണ് രണ്ടാം സ്ഥാനം.
അതേസമയം, സീനിയര് വിഭാഗത്തില് കര്ണാടകയ്ക്കു (171 പോയിന്റ്) പിന്നില് ശക്തമായ വെല്ലുവിളിക്കുശേഷം കേരളം (167) രണ്ടാമതു ഫിനിഷ് ചെയ്തു. യൂത്ത് വിഭാഗത്തിലും കര്ണാടകയാണ് ചാമ്പ്യന്. 196 പോയിന്റോടെ കര്ണാടക യൂത്ത് ചാമ്പ്യന്മാരായപ്പോള് പുതുച്ചേരി (148) രണ്ടാമതെത്തി.
തൃശൂര് വി.കെ.എന് മേനോന് ഇന്ഡോര് സ്റ്റേഡിയത്തില് ഒന്നു മുതല് അഞ്ചുവരെയായിരുന്നു ചാമ്പ്യന്ഷിപ്പ്. സമാപന യോഗത്തില് കേരള സ്റ്റേറ്റ് ലിഫ്റ്റിംഗ് അസോസിയേഷന് പ്രസിഡന്റ് വര്ഗീസ് ആലുക്കാസ്, ഇന്ത്യന് വെയ്റ്റ്ലിഫ്റ്റിംഗ് ഫെഡറേഷന് സെക്രട്ടറി ആനന്ദഗൗഡ, തൃശൂര് ജില്ല സ്പോര്ട്സ് കൗണ്സില് പ്രസിഡന്റ് സി. സുമേഷ് തുടങ്ങിയവര് പങ്കെടുത്തു.
