ഫ്രാൻസിൽ വീണ്ടും മോഷണം; ഇത്തവണ മോഷ്ടിച്ചത് 93 ലക്ഷം രൂപ വിലമതിക്കുന്ന ഒച്ചുകളെ

പാരീസ്: ഫ്രാൻസിലെ ലൂവ്ര് മ്യൂസിയത്തിലെ കവർച്ച ലോകജനതയെ തന്നെ ഞെട്ടിച്ച ഒന്നായിരുന്നു. ഇപ്പോഴിതാ വീണ്ടും ഫ്രാൻസിലെ ഒരു മോഷണമാണ് വാർത്തകളിൽ ഇടംപിടിക്കുന്നത്. എസ്‌കാർഗോട്ട് സെഡ് ഗ്രാൻസ്ഡ് എന്ന ഫാമിൽ നിന്ന് മോഷണം പോയത്. ഏകദേശം 93 ലക്ഷം രൂപ വിലമതിക്കുന്ന ശീതികരിച്ച ഒച്ചുകളെയാണ് മോഷ്ടിച്ചത്.

മിഷേലിൻ സ്റ്റാർ റെസ്റ്ററന്റുകളിലേക്ക് കൊണ്ടുപോകാൻ തയ്യാറാക്കിയവച്ചിരുന്ന 450 കിലോ ഒച്ചുകളെയാണ് നഷ്ടപ്പെട്ടത്. ഒന്നിലധികം ആളുകൾ ചേർന്നാണ് മോഷണം നടത്തിയതെന്നാണ് റിപ്പോർട്ട്. ഫാമിന് ചുറ്റും കെട്ടിയിരുന്ന വേലി മുറിച്ച് അകത്ത് കയറിയ സംഘം ഇരുമ്പ് പാര ഉപയോഗിച്ച് വാതിൽ തകർത്ത് അകത്തുകടക്കുകയായിരുന്നു. വെെറ്റ് ഡിറ്റക്ടറുകളും അടിച്ചുതകർത്തിട്ടുണ്ട്. കോൾഡ് സ്റ്റോറേജ് മുറികളിലെ സാധനങ്ങളും മോഷ്ടിച്ചു.