ഹൂസ്റ്റൺ ∙ ഹൂസ്റ്റൺ പെന്തക്കോസ്തൽ ഫെലോഷിപ് (HPF) സംഘടിപ്പിക്കുന്ന വാർഷിക ഹിന്ദി കൺവൻഷൻ നവംബർ 14–15 തീയതികളിൽ സ്റ്റാഫോർഡിലെ ലിവിങ് വാട്ടേഴ്സ് ക്രിസ്ത്യൻ ചർച്ചിൽ (വിലാസം: 845 Staffordshire Rd, Stafford, TX 77477) നടക്കും. പാസ്റ്റർ ഇമ്മാനുവൽ ഖുറാമും (Conroe) ഡോ. ഷിബു തോമസും (Atlanta) ദൈവവചന ശുശ്രൂഷകൾ നയിക്കും.
നവംബർ 14ന്, രാത്രി 7:00–9:00 വരെ, നവംബർ 15ന്, രാത്രി 6:30–9:00 വരെ യോഗങ്ങൾ നടക്കും. എച്ച്പിഎഫ് ഹിന്ദി ഗായകസംഘത്തോടൊപ്പം ഇമ്മാനുവൽ സിഒജി ഗായകസംഘവും പ്രത്യേക ഹിന്ദി ആരാധനയിൽ പങ്കെടുക്കും. ഹിന്ദി വർഷിപ് കോഓർഡിനേറ്ററായി സ്റ്റീഫൻ സാമുവൽ സേവനം അനുഷ്ഠിക്കുന്നു.
കൺവൻഷന്റെ സുഗമമായ നടത്തിപ്പിനായി പാസ്റ്റർ മാത്യൂ കെ. ഫിലിപ്പ് (President), പാസ്റ്റർ ബൈജു തോമസ് (Vice President), ഡോ. സാം ചാക്കോ (Secretary), ജയ്മോൻ തങ്കച്ചൻ (Treasurer), ഡാൻ ചെറിയാൻ (Song Coordinator), ജോൺ മാത്യൂ (Mission & Charity Coordinator), ഫിന്നി രാജു ഹൂസ്റ്റൺ (Media Coordinator) എന്നിവരുടെ നേതൃത്വത്തിലുള്ള കമ്മിറ്റി പ്രവർത്തിക്കുന്നു.
ഹൂസ്റ്റണിലും സമീപ പ്രദേശങ്ങളിലുമായി പ്രവർത്തിക്കുന്ന 16 പെന്തക്കോസ്തൽ സഭകൾ സംയുക്തമായി ഒരുക്കുന്ന ഈ ആത്മീയ സമ്മേളനം വിശ്വാസികളുടെ ഐക്യത്തിനും ആത്മീയ നവീകരണത്തിനും വേദിയാകുമെന്ന് സംഘാടകർ അറിയിച്ചു. കൂടുതൽ വിവരങ്ങൾക്ക്: ഡോ. സാം ചാക്കോ (Secretary) – (609) 498-4823
Report ഫിന്നി രാജു
Leave a comment