ന്യൂഡൽഹി: തീരുവ വിഷയത്തിൽ വിള്ളൽ വീണെങ്കിലും തേജസ് യുദ്ധവിമാനങ്ങൾക്കായി 113 എൻജിനുകൾ വാങ്ങാനുള്ള കരാറിൽ അമേരിക്കയിലെ ജനറൽ ഇലക്ട്രിക് (ജിഇ) എയ്റോസ്പേസുമായി ഇന്ത്യ ഒപ്പുവച്ചു.
വ്യോമസേനയ്ക്കായി നിർമിക്കുന്ന തേജസ് യുദ്ധവിമാനങ്ങളുടെ പരിഷ്കരിച്ച പതിപ്പായ മാർക്ക്- 1 എ ജെറ്റുകൾക്കാവശ്യമായ എൻജിനുകൾ വാങ്ങാനാണ് ജിഇ എയ്റോസ്പേസുമായി തദ്ദേശ വിമാനനിർമാണ കന്പനിയായ ഹിന്ദുസ്ഥാൻ എയ്റോനോട്ടിക്സ് ലിമിറ്റഡ് (എച്ച്എഎൽ) കരാർ ഒപ്പിട്ടത്.
കരാർപ്രകാരം എൻജിനുകളുടെ കൈമാറ്റം 2027ൽ ആരംഭിച്ച് 2032 ഓടെ പൂർത്തിയാകുമെന്ന് എച്ച്എഎൽ ഉദ്യോഗസ്ഥർ പറഞ്ഞു.
Leave a comment