മിസോറി സിറ്റി മേയറായി റോബിൻ ജെ. ഇലക്കാട്ടിനു മൂന്നാമത് വിജയം

മിസോറി സിറ്റി, ടെക്‌സസ്: മിസോറി സിറ്റിയുടെ മേയർ റോബിൻ ജെ. ഇലക്കാട്ട് മൂന്നാം തവണയും തിരഞ്ഞെടുപ്പിൽ വിജയിച്ചു.

എതിരാളി ജെഫ്രി എൽ. ബോണിക്ക് 4,365(44.33%) വോട്ട് ലഭിച്ചപ്പോൾ റോബിൻ ഇലക്കാട്ടിന് 5,481 (55.67%) വോട്ട് ലഭിച്ചു.

2020 ഡിസംബർ 21ന് മിസോറി സിറ്റിയുടെ 12ാമത് മേയറായി സത്യപ്രതിജ്ഞ ചെയ്ത അദ്ദേഹം, 2009 മുതൽ 2015 വരെ ഡിസ്ട്രിക്ട് സിയെ പ്രതിനിധീകരിച്ച് സിറ്റി കൗൺസിലിൽ സേവനമനുഷ്ഠിച്ചിട്ടുണ്ട്.

ആരോഗ്യമേഖലയിൽ പ്രവർത്തിച്ച റോബിൻ ഒരു ചെറുകിട വ്യവസായിയാണ്. മിസോറി സിറ്റിയിൽ സ്വന്തമായി ഒരു ബിസിനസ് നടത്തുന്ന അദ്ദേഹം, ഭാര്യ ടീനയോടൊപ്പം സെന്റ് ആഞ്ജല മെറിസി കാത്തലിക് ചർച്ചിൽ സജീവ അംഗമാണ്. ടീന ഒരു ഫിസിഷ്യൻ അസിസ്റ്റന്റാണ്, ദമ്പതികൾക്ക് രണ്ട് പെൺമക്കളുണ്ട്.
മേയറായിരിക്കെ, റോബിൻ ഇലാക്കാട്ട് നിരവധി മുൻനിര പദ്ധതികൾക്ക് നേതൃത്വം നൽകി

ടെക്‌സസ് പാർക്ക്‌വേ/കാർട്ട്‌റൈറ്റ് റോഡ് കോറിഡോർ പോലുള്ള പദ്ധതികൾക്ക് ഫണ്ട് ഉറപ്പാക്കി.
സിറ്റി ഗവൺമെന്റിൽ ബജറ്റ് സുതാര്യത ഉറപ്പാക്കി.
പബ്ലിക് സേഫ്റ്റി അനെക്‌സും പോലീസ് മിനിസ്‌റ്റേഷനും സ്ഥാപിച്ച് അഗ്‌നിശമന കേന്ദ്രങ്ങൾ നവീകരിച്ചു.
മിസോറി സിറ്റിയിൽ ബിസിനസ് വികസനവും തൊഴിൽ അവസരങ്ങളും പ്രോത്സാഹിപ്പിച്ചു.
നഗരവാസികൾക്കായി വിനോദ സൗകര്യങ്ങളും ഗതാഗത പദ്ധതികളും വിപുലീകരിച്ചു.
മേയർസ് യൂത്ത് കമ്മിഷൻ, ഔട്ട്‌റീച്ച് പ്രോഗ്രാമുകൾ എന്നിവ വഴി സമുദായ ഐക്യം ശക്തിപ്പെടുത്തി.

റോബിന്റെ നേതൃത്വത്തിൽ, മിസോറി സിറ്റി സമുദായ വികസനത്തിനും സാമൂഹിക സുരക്ഷാ പദ്ധതികൾക്കും നിരവധി അംഗീകാരങ്ങൾ നേടിയിട്ടുണ്ട്.

Report അജു വാരിക്കാട്