ഡാളസ്: ഡാളസ് കേരള അസോസിയേഷൻ (DKA) നവംബർ 1-ന് സെൻ്റ് തോമസ് സീറോ മലബാർ ജൂബിലി ഹാളിൽ സംഘടിപ്പിച്ച 2025-ലെ കേരളപ്പിറവി ആഘോഷം വൈവിധ്യമാർന്ന പരിപാടികൾ കൊണ്ട് ജനശ്രദ്ധ ആകർഷിച്ചു.
കേരളത്തിൻ്റെ പാരമ്പര്യവും കലാസൗന്ദര്യവും പ്രകടിപ്പിച്ച ഈ വർഷത്തെ ആഘോഷം, വ്യത്യസ്തതയും പുതുമയും നിറഞ്ഞ ഒരു സാംസ്കാരിക മഹായാത്രയായി.വൈകിട്ട് 6 മണിക്ക് അതിഥികളെ ചെണ്ടമേളങ്ങളുടെ അകമ്പടിയോടെ ഹാർദ്ദവമായി സ്വീകരിച്ചു. അമേരിക്കൻ, ഇന്ത്യൻ ദേശീയഗാനാലാപനത്തോടെയാണ് പരിപാടികൾക്ക് മംഗളമായ തുടക്കം കുറിച്ചത്.
ഡാളസ് കേരള അസോസിയേഷൻ പ്രസിഡൻ്റ് ശ്രീ. പ്രദീപ് നാഗനൂലിൽ സ്വാഗതപ്രസംഗം നടത്തി. ഗാർലാൻഡ് മേയർ ശ്രീ. ഡിലൻ ഹെൻഡ്രിക് ആയിരുന്നു മുഖ്യാതിഥി. ഗാർലാൻഡ് ബോർഡ് മെമ്പർമാരായ ശ്രീ. പി.സി. മാത്യു, ശ്രീ. ഷിജു എബ്രഹാം എന്നിവരും ചടങ്ങിൽ പങ്കെടുത്തു.
കേരളത്തിൻ്റെ സമ്പന്നമായ കലാരൂപങ്ങളായ ഭരതനാട്യം, മോഹിനിയാട്ടം, നാട്ടൻ നൃത്തം, ഒപ്പന, മാർഗ്ഗംകളി തുടങ്ങിയ നൃത്തങ്ങൾ വേദിയെ മനോഹരമാക്കി. കൂടാതെ, പ്രതിഭാധനരായ ഗായകർ അവതരിപ്പിച്ച ഗ്രൂപ്പ് ഗാനങ്ങൾ, മാപ്പിളപ്പാട്ടുകൾ, മറ്റ് സംഗീത പ്രകടനങ്ങൾ എന്നിവയും പ്രേക്ഷകർക്കായി ഒരുക്കിയിരുന്നു. ഈ വർഷത്തെ കേരളപ്പിറവി ആഘോഷത്തിൻ്റെ പ്രത്യേക ആകർഷണങ്ങളായിരുന്നു മലയാളി മങ്ക, ശ്രീമാൻ മത്സരങ്ങൾ ഉൾപ്പെടെയുള്ള വിവിധ മത്സരങ്ങൾ.🎨 ശ്രദ്ധേയമായ കലാപ്രകടനങ്ങൾ:• സംഘഗാനം: മനോജ് കൃഷ്ണൻ & ടീം• മോഹിനി ആട്ടം: തപസ്യ സ്കൂൾ ഓഫ് പെർഫോമിംഗ് ആർട്സ് (കൊറിയോഗ്രാഫി: ദിവ്യസനൽ)• സെമി ക്ലാസിക്കൽ ഡാൻസ്: ടീം നാദ്യം (നൃത്തസംവിധാനം: വിനീത)• കുച്ചുപ്പുടി: ഗുരുപറമ്പറ സ്കൂൾ ഓഫ് ആർട്സ് (നൃത്തസംവിധാനം: മഞ്ജു മഞ്ജു, ഹേമ മാലിനി)• ഒപ്പന: ഡാളസ് മൊഞ്ചാത്തീസ് (നൃത്തസംവിധാനം: ദീന റോഡ്രിഗസ്)• തിരുവാതിര: ടീം നവരസ (നൃത്തസംവിധാനം: ഇന്ദു അനൂപ്)• ഭരതനാട്യം: ഇസിപിഎ (നൃത്തസംവിധാനം: വാണി ഈശ്വർ)• മാപ്പിളപാട്ടുകൾ, നാടൻ നൃത്തം: ടീം നാട്യഗൃഹ (നൃത്തസംവിധാനം: സുമ സിബിൽ)• സെമി ക്ലാസിക്കൽ ഡാൻസ്: ടീം ഉൽസവം (കൊറിയോഗ്രാഫി: അഞ്ജു മനോജും ടീമും)• മാർഗം കളി: റിഥം ഓഫ് ഡാളസ്ഈ സാംസ്കാരിക വിരുന്ന് വിജയകരമായി സംഘടിപ്പിക്കാൻ സഹകരിച്ച എല്ലാവർക്കും അസ്സോസിയേഷൻ സെക്രട്ടറി ശ്രീ. മഞ്ജിത്ത് കൈനിക്കര നന്ദി രേഖപ്പെടുത്തി. മെമ്പർഷിപ്പ് ഡയറക്ടർ ശ്രീ. വിനോദ് ജോർജ്, എഡിറ്റർ ശ്രീ. ദീപക് രവീന്ദ്രൻ എന്നിവർ വോളണ്ടിയർമാരെയും പ്രൊസഷൻ ഗ്രൂപ്പിനെയും ഏകോപിപ്പിച്ച് പരിപാടിക്ക് മികച്ച നേതൃത്വം നൽകി. സെക്രട്ടറി മഞ്ജിത് കൈനിക്കരയും ആർട്സ് ഡയറക്ടർ സുബി ഫിലിപ്പുമായിരുന്നു പരിപാടിയുടെ എംസിമാർ.ഡാളസ് കേരള അസോസിയേഷൻ സംഘടിപ്പിച്ച ഈ കേരളപ്പിറവി ആഘോഷം, മലയാളികളുടെ സാംസ്കാരിക തനിമയും ഐശ്വര്യവും നിറഞ്ഞ ഒരനുഭവമായി മാറുകയായിരുന്നു.
