റീ റിലീസിൽ തരംഗമാവാൻ മലയാളത്തിൽനിന്ന് ഒരു ചിത്രം കൂടി. മമ്മൂട്ടി നായകനായ ‘അമരം’ ആണ് റീ റിലീസിനൊരുങ്ങുന്നത്. അതേസമയം, ചിത്രം കേരളത്തിൽ കാണാൻ കഴിയില്ല. ഇന്ത്യയിലൊഴികെ ആഗോളവ്യാപകമായി ചിത്രം റീ റിലീസ് ചെയ്യും.
സൈബർ സിസ്റ്റംസ് ഓസ്ട്രേലിയ ആണ് ചിത്രം റീ റിലീസിൽ പ്രദർശനത്തിനെത്തിക്കുന്നത്. 4ഗ ദൃശ്യമികവിലും ഡോൾബി അറ്റ്മോസ് ശബ്ദസാങ്കേതികവിദ്യയോടെയുമാണ് റീ റിലീസ്.
മമ്മൂട്ടിയെ നായകനാക്കി ഭരതൻ സംവിധാനംചെയ്ത് 1991ൽ പുറത്തിറങ്ങിയ ചിത്രമാണ് ‘അമരം’. മാതു, മുരളി, അശോകൻ, കെപിഎസി ലളിത, കുതിരവട്ടം പപ്പു എന്നിവർ ചിത്രത്തിൽ പ്രധാനവേഷങ്ങളിലെത്തി. എ.കെ. ലോഹിതദാസ് രചന നിർവഹിച്ച ചിത്രത്തിന് സംഗീതമൊരുക്കിയത് രവീന്ദ്രനും പശ്ചാത്തലസംഗീതം ജോൺസണുമായിരുന്നു.
