കോഹ്‌ലി, ധോണി, ടെണ്ടുൽക്കർ എന്നിവരെ പിന്നിലാക്കാൻ ശുഭ്മാൻ ഗിൽ: റൺറേറ്റിൽ ഉയർന്ന ശരാശരിയോടെ ചരിത്രത്തിലേക്ക്

നായകസ്ഥാനം എല്ലായ്‌പ്പോഴും പ്രകടനത്തെ ബാധിക്കുമെന്ന ചിന്തകൾ ശരിയല്ലെന്ന് തെളിയിച്ചു കൊണ്ട് ഉയർന്ന ശരാശരിശരാശരി നിലനിർത്തിക്കൊണ്ട് ഇന്ത്യയുടെ പുതിയ നായകനായി ശുഭ്മാൻ ഗിൽ തിളങ്ങുന്നു.

ഒരു കളിക്കാരന് നായകസ്ഥാനം ലഭിക്കുമ്പോൾ പലപ്പോഴും ബാറ്റ് അവന് ഒരു ഭാരമായി മാറും . പക്ഷെ ഇന്ത്യയുടെ ടെസ്റ്റ്, ഏകദിന ക്യാപ്റ്റനായ ശുഭ്മാൻ ഗിൽ, ഈ കളിയുടെ ശുദ്ധമായ രൂപത്തിൽ ഇപ്പോൾ നിറഞ്ഞാടുകയാണ്.

ഡൽഹിയിൽ രണ്ടാം ദിവസം, ക്യാപ്റ്റൻ എന്ന നിലയിലുള്ള തന്റെ അവിശ്വസനീയമായ പ്രകടനത്തിൽ ഒരു പൊൻതൂവൽ കൂടി ചാർത്തിക്കൊണ്ട്, അഞ്ചാം ടെസ്റ്റ് സെഞ്ച്വറിയോടെ ഗിൽ പുറത്താകാതെ 129 റൺസ് നേടി. അതോടെ ഇന്ത്യ 518/5 എന്ന നിലയിൽ ഇന്നിംഗ്‌സ് ഡിക്ലയർ ചെയ്തു. ഈ ഇന്നിംഗ്‌സിന് ശേഷം, ഗിൽ ഇപ്പോൾ ടെസ്റ്റ് ക്യാപ്റ്റനായി 12 ഇന്നിംഗ്‌സുകളിൽ നിന്ന് 84.81 ശരാശരിയിൽ 933 റൺസ് നേടിയിട്ടുണ്ട്.