ആലപ്പുഴ: യു.എസ് പ്രസിഡന്റ് ഡൊണാള്ഡ് ട്രംപിന്റെ മകളും വ്യവസായിയുമായ ടിഫാനി ട്രംപിന്റെ ഭര്ത്താവ് മൈക്കില് ബൂലോസ് സ്വകാര്യ സന്ദര്ശനത്തിനായി കേരളത്തിലെത്തി. പ്രമുഖ അന്താരാഷ്ട്ര വ്യവസായി കൂടിയായ അദ്ദേഹം എട്ടംഗ സംഘത്തോടൊപ്പമാണ് ആലപ്പുഴയിലെ കായല് ഭംഗിയും വിനോദസഞ്ചാര കേന്ദ്രങ്ങളും ആസ്വദിക്കാനെത്തിയത്.
രാവിലെ ചാര്ട്ടേര്ഡ് വിമാനത്തില് നെടുമ്പാശ്ശേരി അന്താരാഷ്ട്ര വിമാനത്താവളത്തിലിറങ്ങിയ മൈക്കില് ബൂലോസിനെയും സംഘത്തെയും ഇന്ത്യയിലെ അമേരിക്കന് അംബാസഡര് സെര്ജിയോ ഗോറും ചെന്നൈയിലെ അമേരിക്കന് കോണ്സുലേറ്റ് ഉദ്യോഗസ്ഥരും അനുഗമിച്ചു. കൊച്ചിയിലെത്തിയ സംഘം മുഖ്യമന്ത്രിയുമായി കൂടിക്കാഴ്ച നടത്തിയ ശേഷമാണ് ആലപ്പുഴയിലേക്ക് തിരിച്ചത്.
സംസ്ഥാന സര്ക്കാരിന്റെ ഔദ്യോഗിക അതിഥിയായാണ് മൈക്കില് ബൂലോസും സംഘവും എത്തിച്ചേര്ന്നത്. എന്നാല് സുരക്ഷാ കാരണങ്ങളാല് സന്ദര്ശന വിവരങ്ങള് നേരത്തെ പുറത്തുവിട്ടിരുന്നില്ല. ആലപ്പുഴ പുന്നമട കായലില് ഹൗസ് ബോട്ട് സവാരി നടത്തിയ സംഘം, പ്രശസ്തമായ നെഹ്റു ട്രോഫി വള്ളംകളിക്കായി ഒരുങ്ങുന്ന ചുണ്ടന് വള്ളങ്ങളുടെ പരിശീലന തുഴച്ചിലും ട്രാക്ക് എന്ട്രിയും നേരിട്ട് കണ്ടു. ആലപ്പുഴയിലെ പ്രധാന ടൂറിസം കേന്ദ്രങ്ങള് കൂടി സന്ദര്ശിച്ച ശേഷം അദ്ദേഹം വൈകുന്നേരത്തോടെ മടങ്ങും.
