അഥർവ നായകനായെത്തുന്ന റൊമാന്റിക് എന്റര്ടെയ്നർ ‘ഇദയം മുരളി’ ട്രെയിലർ എത്തി. കയാദു ലോഹർ, പ്രീതി മുകുന്ദൻ എന്നിവർ നായികമാരാകുന്ന സിനിമയിൽ ഫഹദ് ഫാസിൽ അതിഥി വേഷത്തിലെത്തുന്നു. നാട്ടി, നിഹാരിക, തമൻ, പ്രഗ്യ നഗ്ര, ഗായിക ജോനിത എന്നിവർ അഭിനയിക്കുന്നു.
ആകാശ് ഭാസ്കരൻ ആണ് ചിത്രത്തിന്റെ സംവിധാനവും നിർമാണവും. 22 വർഷത്തിനു ശേഷം തമൻ അഭിനയിക്കുന്ന സിനിമ കൂടിയാണിത്.
തമൻ തന്നെയാണ് സംഗീതം. ഛായാഗ്രഹണം മനോജ് പരമഹംസ. എഡിറ്റിങ് പ്രദീപ് ഇ. രാഘവ്.
അഥർവയുടെ അച്ഛനും നടനുമായ മുരളിക്ക് ആദര സൂചകയാണ് സിനിമയ്ക്ക് ‘ഇദയം മുരളി’ എന്ന പേര് നൽകിയിരിക്കുന്നത്. ചിത്രത്തില് ഇദയ എന്ന കഥാപാത്രമായി അഥർവ എത്തുന്നു. ചിത്രം ജൂലൈ 10ന് തിയറ്ററുകളിലെത്തും.
Leave a comment