പത്തനംതിട്ട: മലങ്കര സുറിയാനി കത്തോലിക്കാ സഭയിലെ അമ്മമാരുടെ സംഘടനയായ മലങ്കര കാത്തലിക് മദേഴ്സ് ഫോറം എംസിഎംഎഫിന്റെ വാർഷിക സമ്മേളനവും തെരഞ്ഞെടുപ്പും തിരുവനന്തപുരം പട്ടം കാതോലിക്കേറ്റ് സെന്ററിൽ നടന്നു.
എംസിഎംഎഫ് ചെയർമാൻ മൂവാറ്റുപുഴ ഭദ്രാസനാധ്യക്ഷൻ ബിഷപ് യൂഹാനോൻ മാർ തെയോഡേഷ്യസ് ഉദ്ഘാടനം ചെയ്തു. പുതിയ ഭാരവാഹികളായി, ഷീജ ഏബ്രഹാം (പത്തനംതിട്ട) – പ്രസിഡന്റ്, പ്രവിത ബെൻസിഗർ (പാറശാല)- വൈസ് പ്രസിഡന്റ്, എലിസബത്ത് ജോർജ് (ബത്തേരി)- സെക്രട്ടറി, ജിൻസി ആന്റണി (ഡൽഹി)- ജോയിന്റ് സെക്രട്ടറി, ലൗലി രാജൻ (തിരുവനന്തപുരം)- ട്രഷറർ എന്നിവരെ തെരഞ്ഞെടുത്തു.
